中港自由組合 Plan 低用量好抵
今日中國聯通推出會把儲值卡收皮、低用量網友尖叫嘅服務計劃！呢個計劃叫「中港自由組合 PLAN」，用家可以由香港話音、中國話音、香港數據、中國數據，四個項目任選擇一至四個組合，可以簽三個月、六個月、九個月及十二個月短約。呢個計劃，仲接受 MNP 帶號碼過台。
▲ 係香港話音部份，做到最平一年合約，每月 $20 (包行政費) 有 300 分鐘，比起現時 Sun Mobile $34 月費平 $14。傾得多 2300 分鐘月費都係 $37，比起 Sun Mobile 平 $49！真誇張。
▲ 本地上網部份，唔算好抵，主要係適合超低用量，一個月連 500MB 數據都用唔晒嘅用家。十二個月合約 $34 月費 (包行政費）有 100MB，$61 (包行政費）月費得 500MB。玩開平價低用量嘅儲值卡朋友都知，出面嘅外傭 SIM 卡 $38 已送 1GB 一個月本地上網用量，仲有首月 200 分鐘本地時間送，不過，你就要月月轉新 SIM。
▲ 另外係中國大陸上網套餐都比 CMHK 上台 Plan 及儲值卡抵玩。最抵嘅係最平一年合約，每月 $131 (包行政費) 無限上網 ($52 月費+ $9 行政費 + $70 額外收費、若果只用 500MB，再減 $70，即係 $61)。版主問過，中國聯通係香港會係 3 香港嘅 3G 及 4G 網絡，係中國大陸用中國聯通嘅 3G WCDMA 與 4G FDD 及TDD-LTE 網絡。由於中國聯通係大陸大部份地區都用 FDD-LTE 1800 頻段，用家唔駛換什麼 TD-LTE 手機，都係中港上到 4G 網架。
不過，呢個平 Plan 係限速 Plan，無論係香港定係中國大陸，都透過 3G 及 4G 上網。計劃係首 1GB 用量384kbps，之後 128kbps。一如前文所講，無論係中國大陸定香港，都係 Facebook 及 Google Friendly。
▲ 合約期內，免中國大陸號碼月費 (即係已有一卡兩號)、來電轉駁及行政費半價 (即 $9 優惠)。留意係中國聯通門市，只辦理 12 個月合約計劃。其他月費組合，都只能係中國聯通香港網站處理。另外，MNP 帶號碼轉台部份，上網都可以攪，唔一定去門市。
資料：中國聯通香港