相比又話 2GB，最後走回頭路推無限上網的網絡商，其實 C 記的上網計劃，有創意好多。早前推出多機共享計劃，讓用家一個月費最多有五張 SIM 共用 Data 用量。可能這個計劃有市場，對手 PCCW Mobile 己低調地加入戰團。共用 3 SIM 計劃，比 CSL 便宜，同樣是每月 5GB 用量。詳情請睇內文。
帶機上台，5GB 計劃好抵用
雖然 PCCW Mobile 沒有跟大隊加入 「5GB 無限」行列，但其實都要一讚，因為它們的每月 5GB 計劃，可以說是全港最平，不似得別台，又要減用量，又唔肯減價! 若帶機上台，簽 24 個月合約，每月 $182 就有 5GB 用量。他們更有唔駛簽約的選擇，月費也只是 $199，比起以平取勝的中國移動香港，更便宜一點。而每月 5GB，相信亦好合中高用量用家。
▲ 雖然沒有無限上網，但帶機上台 Plan 只要 $199，又唔駛簽約，每月有5GB 用量，應該適合中高用量用家。補充少少，中國移動香港 5GB 計劃，每月要 $218，還要簽 12 個月合約。3 香港 5GB 無限計劃平 $1，但只有 1000 分鐘通話時間。
多機共享 狂打 CSL
除了上面抵 Plan，PCCW Mobile 亦在門市低調宣傳 Multi Smart SIMs 計劃，月費 $268，有 3 張 SIM，其中一張有 3000 分鐘通話時間，而 3 張 SIM 共用 5GB 計劃。可能你會話，PCCW Mobile 沒有 5GB 無限喎，用了 5GB 要付錢再買。其實對手 CSL 同類的多機共享計劃，正正就是 CSL 口中啖出無限上網的新計劃之一，用爆 5GB 要付錢才能繼續上網。CSL one2Free 用爆 5GB 立即跳至 $99 / 1GB，而 PCCW 卻有 $40 / 200MB。 若你只係是輕量用爆 5GB，PCCW 會抵一點。5GB 每月用量給手機、Tablet、可能仲有 USB 手指到底夠唔夠用? 見人見智啦! 旨在買個方便吧。
▲ PCCW 的多機共享計劃，在刊出文章時， 其官方網站也沒有登出來。
▲ CSL One2Free 多機共享有三種計劃， 最多可有 5 張 SIM 及送 20GB 用量。但注意最平 5GB 用量是有限速，上網唔會快過 7Mbps，就算你配了 4G LTE Modem 也一樣。