乜嘢係「5G 黃金頻譜」? 地鐵站啟用咗有乜好處？
「5G 黃金頻譜」，成日聽網絡商講就聽得多，然而到底佢係乜，代表咗啲乜，好多人都可能一知半解。而小編就首先嘗試同大家講下，到底「5G 黃金頻譜」係乜嚟。簡單嚟講，指嘅係 3.3GHz 以及 3.5GHz，佢哋係 5G 網絡中一個好關鍵嘅頻率範圍，3.5GHz 為主力頻段，而 3.3GHz 則作為輔助，用嚟增加網絡容量。喺 5G 技術中，頻段分為低頻段、中頻段同埋高頻段 (mmWave)，各有各獨特優勢。低頻段 (低於 1GHz) 覆蓋範圍廣，而且信號可以有效穿透建築物，但數據速度就較低，通常喺 30 至 250Mbps 之間。高頻段 (24GHz 以上) 提供極高嘅數據速度，可達 1 至 3 Gbps，但覆蓋範圍有限，而且信號比較容易被建築物或者樹木阻擋。中頻段 (如 3.3GHz 以及 3.5GHz)，則在速度以及覆蓋之間取得平衡，一座中頻段基站可以有唔錯嘅覆蓋範圍，同時又可以令數據速度介於 100 至 900 Mbps 之間，因此 3.3GHz 以及 3.5GHz 被稱為「黃金頻譜」，特別適合喺香港呢啲咁高密度嘅城市環境中，提供高速 5G 服務，唔需要部署過多基站。
唔單止係咁，3.3GHz 以及 3.5GHz 頻段仲支持 2T2R (雙發雙收) 傳輸配置技術。乜嘢係 2T2R？佢係一種利用兩個發射天線以及兩個接收天線嘅技術，可以同時處理多個數據流，從而可以顯著提升網絡嘅容量以及效率。而呢種技術允許更多數據同時傳輸以及接收，可以改善整體網絡嘅性能。因此，即使喺人流密集嘅地鐵站入面，5G 網絡都可以保持高速、低延遲以及流暢嘅連接，確保網絡喺大量用戶同時使用嘅情況下，仍然能夠穩定運行，唔會因擁堵而影響上網體驗。
過去，如流動網絡營辦商需要在港鐵範圍內改善網絡，必須經過港鐵的審批。上年 (2024年) 港鐵公司宣佈與本地四間流動網絡營辦商合作，陸續提升二十四個港鐵站的 5G 流動網絡，進行 3.3 及 3.5 吉赫（3.3 及 3.5GHz）室內基站鋪設工程，讓乘客享受更快、更流暢及低時延的 5G 上網體驗。
9 個地鐵站實測 csl「5G 黃金頻譜」網絡速度
繼金鐘站、香港站、九龍站、灣仔站及天后站之後，csl 日前已喺尖沙咀、中環、銅鑼灣及北角港鐵站完成咗「5G 黃金頻譜」網絡擴容工程，如果大家有機會經過呢啲港鐵站，不難發現喺月台、大堂，已經裝上咗一些專為「5G 黃金頻譜」而設嘅 5G 基站，而稍後會陸續喺更多嘅港鐵站啟用「5G 黃金頻譜」。而小編都親身去咗以上 9 個港鐵站度跑 Speedtest 同埋測試實際應用，可以見到速度真係提升咗好多，就算係一架坐滿人嘅地鐵旁邊，都可以保持流暢嘅速度，下載速度介乎 400Mbps 至 700Mbps 不等，值得一讚！網速測試：天后站大堂、月台
▲ 天后站大堂下載速度約 655Mbps，而上載速度則約 127Mbps。
▲ 天后站月台下載速度約 578Mbps，而上載速度則約 78.3Mbps。輕輕一提，下載速度以及上載速度會視乎實際環境、當時人數而有所出入，地鐵到站同地鐵離開之後，個速度都會有出入，以天后站為例，當無地鐵嘅情況下，下載速度更可高達 800Mbps 以上，但我哋公平啲，唔可以拎最快嘅速度去比，而係正常人平時去到呢個站，上網可以有幾快。
網速測試：灣仔站大堂、月台
▲ 灣仔站大堂下載、上載速度分別為 648Mbps 以及 74.7Mbps。
▲ 而月台的下載、上載速度則分別為 474Mbps 以及 85.1Mbps，由於灣仔站相較天后站會有更多的人，因此速度會相比天后站有所出入，但這個速度已經可以說相當快。
網速測試：金鐘站大堂、月台
▲ 金鐘站大堂下載、上載速度為 520Mbps 以及 61Mbps。
▲ 月台下載、上載速度則分別為 445Mbps 以及 81.8Mbps。
網速測試：尖沙咀站大堂、月台
▲ 尖沙咀站下載、上載速度有 723Mbps 以及 96.3Mbps，可見在尖沙咀站嘅上網速度相當快。
▲ 而喺月台嘅速度都唔慢，下載以及上載速度分別為 636Mbps 以及 71.5Mbps。
網速測試：香港站大堂、月台
▲ 香港站大堂下載速度為 607Mbps，而上載速度則為 89.6Mbps。
▲ 月台的下載速度有 715Mbps，而上載速度則為 75.6Mbps。
網速測試：九龍站大堂、月台
▲ 九龍站大堂對住 Elements 方向，下載以及上載速度分別為 637Mbps 以及 103Mbps。
▲ 而月台下載及上載速度則分別為 826Mbps 以及 79.1Mbps。
網速測試: 銅鑼灣站大堂、月台
▲ 銅鑼灣站大堂近客戶中心，下載速度有 845Mbps，而上載速度則有 71.9Mbps。
▲ 而月台的下載和上載速度則分別為 612Mbps 以及 97.7Mbps。
網速測試: 中環站大堂、月台
▲ 中環站大台的下載速度有 765Mbps，而上載速度則有 68.9Mbps。
▲ 而月台的下載、上載速度則分別為 663Mbps 以及 84.8Mbps。
網速測試: 北角站大堂、月台
▲ 北角站是目前最新加入「5G 黃金頻譜」的港鐵站，在大堂時的下載速度有 771Mbps，而上載速度則為 76.7Mbps。
▲ 而月台的下載、上載速度則分別為 669Mbps 以及 105Mbps。
「5G 黃金頻譜」實際應用
平時搭地鐵，我哋好多時都會用手機碌下 Facebook IG，睇下片，打下機，一般主要用途都係呢啲，我哋就揀咗當中嘅尖沙咀站，去實際試下呢啲應用，體驗下到底係咪順暢。應用 (一)：播放影片
▲ 使用 Now TV App 選擇最佳畫質 (最高 4K 解像度)，播放 App 入面嘅節目或者即時新聞直播，一按進去幾乎沒有任何 Buffering 的時間，秒速就可以播放到高畫質影片。
▲ 而即使播放 YouTube 4K HDR 影片，就算中間不斷 Skip 不斷飛，Buffering 時間同樣係相當快，唔會要等好耐。
應用 (二)：打機
▲ 就算打機，都會相當流暢，唔使擔心網速問題而有延誤，呢樣就得益於 5G 低時延嘅特性。
應用 (三)：碌 Instagram
▲ 我成日都中意無無聊聊搭車碌下 Instagram，有時睇下朋友仔嘅動態，有時碌下入面嘅 Reels 短片，而整個體驗過程中，即使人多嘅時候，都唔會驚 Load 空氣，睇唔到片，等你可以稍微放鬆一下。