旗艦級 AI 功能下放，日常操作更醒目
今次 Galaxy A57 5G 同 A37 5G 透過最新嘅 One UI 8.5，加入咗好多實用嘅 AI 創新科技。首先講下語音轉錄功能，錄音機 App 支援快速轉錄同翻譯通話錄音，亦可以將通話語音信箱內容轉換為文字，方便大家查閱會議或通話細節。另外仲有 AI Select，長按屏幕側邊面板就可以輕易開啟，直接喺屏幕顯示後續相關操作，更支援喺多重視窗模式中進行拖放，輕鬆將圖片移動到 Samsung Notes 等地方。執相方面同樣勁，「物件橡皮擦」可以更自然咁移除相片背景中嘅路人或雜物。Galaxy A57 5G 仲獨有「最佳臉部表情」功能，影大合照可以確保每個人都呈現最佳狀態；同時 A57 5G 亦支援「自動剪輯」功能，令影片編輯更輕鬆。當然唔少得 Circle to Search with Google，新增多物件辨識功能，可以一次過搜尋圖像入面嘅多個物件。智能助理方面，升級版 Bixby 讓用戶能夠以自然語言直觀地控制手機設定，而 Gemini 則能處理橫跨 Galaxy 應用程式及特定第三方 App 嘅複雜任務。
5000 萬像素主鏡頭，升級黑夜亮攝
相機方面，Galaxy A57 5G 同 A37 5G 都配備咗升級嘅硬件同圖像訊號處理器（ISP）。兩部機都配備 5,000 萬像素主鏡頭並支援光學防震。憑藉升級嘅「黑夜亮攝」功能，即使喺低光環境下都能夠捕捉到清晰逼真嘅相片同影片。兩款手機都透過 AI 技術增強主體辨識同場景優化，可以平衡人像、保留自然膚色並創造更清晰嘅背景分離。鏡頭組合上，A57 5G 另外配備 1,200 萬像素超廣角鏡頭及 500 萬像素微距鏡頭；而 A37 5G 則配備 800 萬像素超廣角鏡頭及 500 萬像素微距鏡頭。大電量配特大散熱，支援 IP68 防水防塵
硬件效能上，兩部機都為日常串流同打機做好準備。佢哋都內置 5,000 mAh 電池，能夠支援長達兩天嘅使用，並支援 45W 有線超級快充 2.0，只需 30 分鐘即可將手機充電至 60%。為咗壓熱，機身增大了 13% 嘅 Vapor Chamber 散熱系統，有助長時間打機或錄影期間保持穩定效能。兩款手機均具備 IP68 抗水防塵等級，提升日常耐用性。系統支援方面非常有誠意，官方承諾提供多達六代嘅 Android OS 同 One UI 升級，以及長達六年的安全性更新。此外，手機內建基於硬體嘅 Samsung Knox Vault，並具備自動封鎖、防竊保護及全新 Private Album 等私隱功能，保障用戶資料安全。香港定價及早鳥優惠詳情
講到最後，大家最關心當然係賣幾錢！兩款新機將會喺 2026 年 4 月 10 日起公開發售。由 2026 年 4 月 2 日至 9 日期間預訂，仲可以享有早鳥優惠，包括限時容量升級優惠及 Samsung Trade-in 價格保證。定價方面，提供亮灰色、軍藍色、冰藍色、霧紫色選擇嘅 Galaxy A57 5G，12GB RAM + 512GB ROM 建議零售價為 $5498，早鳥優惠價只需港幣 $5098，相等於 $400 折扣。而 12GB RAM + 256GB ROM 版本建議零售價則為 $4698。另一款 Galaxy A37 5G 提供炭灰色、粉紫色，8GB+256GB 版本另有墨綠色、霧白色選擇。8GB RAM + 256GB ROM 建議零售價為 $3698，早鳥優惠價為 $3498，相等於 $200 折扣；而 8GB RAM + 128GB ROM 版本建議零售價為 $3298。