。不過，有時如果遇着一些特別的手機，我都係會覺得興奮嘅，就好似剛剛就有一部手機抵港，唔係 Android Phone，唔係 Windows Phone，而係一部神機！Nokia 3310 (2017) 呀！一講到「3310」，最深入民心的應該是佢扔極都唔爛的機身，而家 2017 版終於殺到香港，你會唔會用呢個價錢去買情懷呢？睇下文啦！
Nokia 3310 (2017) 正式抵達旺角先達廣場，第一水賣價為 $880，顏色有黃、藍、灰三種選擇，黃色係有光澤機身，而藍、灰則有啞光表面。呢個價無錯可能唔係便宜，但幾百蚊買到昔日的情懷，有得聽番經典 Nokia 鈴聲之餘，又有得回顧以前玩貪食蛇的日子，你又覺得值唔值回票價呢？
Nokia 3310 (2017) 在風格上同舊有的 Nokia 3310 有幾分相似，但經過重新設計的 Nokia 3310 (2017)，就顯得更加纖細和輕巧，配備 2.4 吋 QVGA 解像度屏幕，其偏光和曲面窗口設計使它在陽光下的可讀性大大提升。唯一覺得可惜的是，來到 2017 年，Nokia 3310 (2017) 依然連 3G 都沒有，只能夠在 2G GSM 情況下使用，呢個係一個比較致命的缺點。你點睇呢？
Nokia 3310 (2017) 在文章發表時，水貨賣價約 $880，按這裡有詳細規格及最新賣價。
查詢: 三禾電氣23740618 （旺角） 23740718 （銅鑼灣）