HTC One M9+ 大鋪 9 折都未叫平,場價五千有找!
首先講講今次的主角 HTC One M9+ 先,本身 M9+ 係推出的時候定價高達 $5998 。不論呢個價錢是否合理都好,但有一件事可以幾肯定嘅就係在不少朋友心中呢個價位都是不能接受的,所以銷情都唔見得比起 One M9 好好多。幸好今年 HTC 總算有一樣野做啱左,就係識劈價!而家係大鋪買 M9+ 仍然可以用 $5398 呢個 9 折價買到,不過版主好明白呢個減幅仍然是不夠的,正所謂唔跌破五字頭都唔叫有睇頭!近日版主行過深水埗細鋪就發現價錢比起大鋪平少少,要 $5198 ,而係先達場內就真係做到五千有找了。版主查問過目前先達的「場內行貨」只不過係 $4980 ,比起本身定價已經平左一千蚊。今次較為值得留意的地方係版主問過先達內不少細鋪,有部份係有引入 M9+ 水貨版本的,有意入手的朋友可以問清楚。
版主收風: HTC One ME 推出即跌價,你點睇?
除左 One M9+係場內減左價之外,另一個減價消息就來自仍未正式推出的 One ME 嘅!事緣而家大鋪目前仍然做緊旗艦機款照價 9 折優惠(主要係賣價過四千的非 Samsung 旗艦),而 HTC 算係比較多選擇的其中一個廠牌,今年推出的三部 One 系列手機都有得減。版主就收到風,同樣定位係中高階機的 One ME 係 7 月 1 號一推出的時候,都無可避免地會有「一出即減」的情況,換言之賣價將會同 One E9+ 一樣是 $3958 。睇返規格,其實 One ME 可以話同 M9+ 係基本上一樣的,同樣係 5.2 吋 2K 芒,處理器都係 MTK 的 helio X10 2.2GHz 再加 3GB RAM 以及 32GB 內置容量,相機方面主要別就係 ME 無左雙鏡頭但都仍有二千萬像素主鏡頭,詳細表現大家可以參考版主 YK 的詳盡試玩。唔知大家又會點揀呢?▲ 以價錢來講近期 HTC 主要係 M9+ 減得比較多, One M9 同 E9+ 的價錢無好大改變。
▲ 同 M9+ 相比, ME 只係換上左膠質背蓋,硬件方面分別不大但價錢就便宜唔少,大家又會點揀呢?
在文章發佈的時侯,HTC One M9+ 賣價為 $5398,按此看詳細規格和最新賣價。
在文章發佈的時侯,HTC One ME 仍未正式推出,定價為 $4398,按此看詳細規格和最新賣價。