大鋪各有各減， LG G4 、 Sony Xperia Z3+ 齊齊平五百！
各間大鋪之間競爭激烈，衛訊昨日推出左劈價之後，百老匯、豐澤以至中原等電器鋪當然都不敢怠慢，版主今日到各大鋪查詢之後發現各大鋪都已經準備好減價優惠。而當中豐澤就標明左「照價再減」的手機有四款，分別係 Xperia Z3+ 、 LG G4 、 HTC One E9+ 同埋 Samsung S6 Edge 。版主查詢過後發現除左 S6 Edge 之外其他手機都有九折優惠，而 32GB 同 64GB 版本的 S6 Edge 都係平三百。好多網友係買機時都會想知今次劈價優惠上可否做到分期同埋 Trade in 。豐澤係 trade in 同埋分期都有的，大家入手時可以放心，不過缺點就係減價機款較少。版主問到在豐澤減價的型號：
Samsung Galaxy S6 Edge 32GB 、 64GB ，
LG G4 ，
HTC One E9+ ，
Sony Xperia Z3+
另一間不少網友都會幫襯的大鋪百老匯都一樣有減價，而且機款都不少。唔單止 Samsung 的 S6 Edge ， LG G4 同埋 Sony Xperia Z3+ 同樣有 9 折優惠， HTC 方面就有 One E9+ 同埋 One M9+ 兩部機提供到 9 折即減，不過 M9 就無份。要留意，豐澤係會有個牌可以見到特價機種的，不過百老匯就不同，除左無指明邊款有特價外價錢牌都沒有標明有九折，入手前最好問清楚啦！
版主問到在百老匯減價的型號：
Samsung Galaxy S6 Edge 32GB $5938
Samsung Galaxy S6 Edge 64GB $6748，
LG G4 $5128 ，
HTC One E9+ $3958，
HTC One M9+ $5398 ，
Sony Xperia Z3+ $5128
加入左劈價戰的仲有中原電器，而係減價機款方面都有不少，但都有少少細節需要留意的。中原電器的九折優惠雖然話係「恒生客戶尊享」，不過如果大家無信用卡又或者同其他信用卡買機其實都可以有減價。雖然沒有分期付款，但有 Trade in 服務，睇返中原今次優惠所包括的手機都有唔少，除左 G4 、 Galaxy S6 Edge One E9+ 同 Xperia Z3+ 四部「鐵膽」之外， HTC One M9 同 M9+ 一樣有份，上年推出的 Xperia Z3 一樣在減價之列。
版主見到在中原電器減價的型號：
Samsung Galaxy S6 Edge 32GB 、 64GB ，
LG G4 Dual ，
HTC One E9+ ，
HTC One M9+ ，
HTC One M9 ，
Sony Xperia Z3+ Dual ，
Sony Xperia Z3 Dual
衛訊取消會員要求！ Xperia Z3 都減 10% ！
衛訊係昨日推出減價時版主查詢過好幾間，一律要求買家係會員才能享有優惠。不過到左今日就唔同啦，所有標明減 10% 的手機不是會員一樣可以買到，而且更將 Xperia Z3 加入減價之列，減左後只需 $4138 。不過係衛訊買機雖然可以做 Trade in 但係版主問過就做唔到分期付款。簡單來講，劈價戰看來已經開始左啦，往後大鋪有更多手機減價或者有更吸引的折扣都不足為奇，唔知早排曾經出現過的「即減 $1300 」優惠又會否重出江湖呢？另外，目前大鋪劈價戰情況可以話係瞬息萬變，版主所問到嘅消息可能好快已經過時，如果大家問到不同的資料，不妨留言同大家分享啊！版主見到在衛訊減價的型號：
Samsung Galaxy S6 Edge 32GB $5938
Samsung Galaxy S6 Edge 64GB $6748，
LG G4 $5128 ，
HTC One E9+ $3958，
HTC One M9+ $5398 ，
HTC One M9 $4498 ，
Sony Xperia Z3+ $5128
Sony Xperia Z3 $4138
▲ 中原方面都有減價，型號都不少，但就沒有免息分期。
▲ 今日不是衛訊會員的網友到衛訊買機都可以享用即減 10% 優惠啦。
在文章發佈時， Sony Xperia Z3+ 尚未正式開賣，定價 $5698 ，按此看詳細規格和最新賣價。
在文章發佈時， Sony Xperia Z3 賣價為 $4298，按此看詳細規格和最新賣價。
在文章發佈時，HTC One M9 賣價為 $4998 ，按此看詳細規格和最新賣價。
在文章發佈時， HTC One E9+ 賣價為 $4398 ，按此看詳細規格和最新賣價。
在文章發佈時， HTC One M9+ 賣價為 $5998 ，按此看詳細規格和最新賣價。
在文章發佈時，Samsung S6 Edge 32GB 版本賣價為 $6598 ，按此看詳細規格和最新賣價。
在文章發佈時，Samsung S6 Edge 64GB 版本賣價為 $7498 ，按此看詳細規格和最新賣價。
在文章發佈的時侯， LG G4 單卡與雙卡版本賣價為 $5698，按此看詳細規格和最新賣價。