HTC 雙屏幕旗艦減價鬥 LG V20!網絡商入手會更抵?
首先由現時最新旗艦機 HTC U Ultra 講起,HTC U Ultra 在二月的時候正式在香港開賣,建議零售價為 $5698,一出有即減 $200,後來開賣左一個月左右,就跌價至 $5298,而在中原更出現 $5198 的價位。去到而家已經四月中,隨住 LG G6 的出現,同樣配備雙屏幕的 LG V20,亦都跌價至 $4498,眼見 U Ultra 同 V20 賣價差距愈來愈大,U Ultra 最近在大舖再出現新低價,只需 $4698 就能夠入手,叫做拉近番啲距離,如果去 Sun Mobile 上台出機,仲平,只需 $3998,呢個價錢網友覺得抵唔抵呢?▲ 大舖最新賣價 $4698,不過如果去 Sun Mobile 上台出機,最平只需 $3998 入手,會唔會考慮?
HTC 10 瘋狂勁減!限時劈價 $2700,係時候要敗了?
除左 HTC U Ultra 之外,HTC 10 亦在大舖出現新低價,由原來的 $3998,減價多 $300,最新大舖價為 $3698。呢個價錢,雖然係便宜,但未有太大的驚喜。不過咁,最近發現,蘇寧將會在 4 月 26 日早上 11 時,舉行「秒殺星期三」的優惠,可以 $2998 的價錢,搶得 HTC 10,呢個價錢相比原價減左成 $2700,版主就覺得可以入手了,你又點睇呢?▲ Mark 低日子,下星期三朝早 11 點搶 HTC 10,只需 $2998。
HTC U Ultra 在文章發表時,大舖賣價為 $4698,按這裡有詳細規格及最新賣價。
HTC 10 在文章發表時,大舖賣價為 $3698,按這裡有詳細規格及最新賣價。