版本 | 16GB 定價 | 64GB 定價 | 128GB 定價 |
iPhone 6 (4.7 吋) | $5788 | $6588 | $7388 |
iPhone 6 Plus (5.5 吋) | $6588 | $7388 | $8288 |
版主分析:唔抵兼過份
SmarTone 今次推出 iPhone 6 與 iPhone 6 Plus 儲值咭,版主幫大家睇過:四個字形容:唔抵兼過份。唔抵,係張 Prepaid SIM 超級唔抵玩。 iPhone 6 與 iPhone 6 Plus 儲值咭套裝賣價,全部是 iPhone 6 與 iPhone 6 Plus 正價再加二百蚊,呢二百蚊,其實可以換一張儲值 SIM 咭,裡面有 $200 比你打電話 ($0.1 /一分鐘)、$400 比你上網。但係上網 Plan 超級貴,每月 $38 先有 80MB,包 WiFi,無封頂用量,用爆左 $2 / MB,比起佢地自家儲值咭 $24 一日無限上網,貴好多。打 Voice 又貴,上網更貴!每月得 80MB WhatsApp 都未必夠。WiFi 上網呀?版主之前介紹過,去深水埗賣特價 PCCW Prepaid SIM,$20 用半年 csl. WiFi! 呢張咭,自用送禮都嫌多餘。過份因為手續都麻麻煩煩。網站寫明,訂左機無得縮沙,反口唔買,會收你一千蚊手續費。網站寫了「一般你可於 兩個工作天後取貨」 但佢又無寫實遲過兩個工作天會賠俾你。網上訂機,唔包送貨,你要揀定門市取機。這也不是問題,問題是限了每日門市開門至下午兩點取機,買機買得咁辛苦,為乜?
當然,為左 iPhone,好多人都唔想等。聽了版主分享,你仲想買,想用,以下就係網站連結。Take it easy, relax and enjoy your new iPhone!