早前版主就綜合左近來有關 Huawei P8 的新聞做左個整理，當中就估計今次的發佈會將推出 Huawei P8 同埋 Huawei P8 Lite 。不過係發佈會開始前，版主就收到風今次華為發佈會內容可能唔同！雖然華為的確打算推出整個 P8 系列 ，但除左主打的 P8 之外今次華為會推出的並不是定價較低的 P8 Lite 而係係 3 月頭就傳過，有 6.8 吋大屏幕的 P8 Max ！而係規格上呢部 P8 Max 仲有可能係最強的一部，坦白講版主都唔知叫佢平板定係手機好了
。有關 Huawei P8 Max 暫時資料其實相當少，除左有 6.8 吋大芒之外，有大陸網民就爆料話會係 4月23日開賣。至於規格，大家可以預期不會比 P8 差，但就未有詳細資料。
▲ 呢個就係 P8 Max 係三月頭的流出照，老實講版主睇相都唔覺佢有 6.8 吋大。
另外，有關重頭戲 Huawei P8 最近都有新消息流出，係來自華為自己的平面廣告的。其中一樣比較明顯的要點就係有傳華為 P8 有指模感應器，但從廣告中的官方產品相就明顯然未見。正面來睇呢部機係外型上的確係幾纖薄， GsmArena 就指華為的 P8 厚度只有 6.6mm ，同 Samsung Galaxy S6 差不多，係顏色上就有黑、白、銀、金四色。
▲ 睇完官方圖片提供比我哋的資料再睇埋當中的賣點介紹，除左一早知道的金屬機身之外 Huawei P8 另一個賣點看來就係佢嘅 1300 萬像素鏡頭，不過呢個鏡頭除左知道係夜拍上會係強項之外，用上甚麼技術暫時仍然係未知道。最後就係廣告中提到的「高清音頻解碼」，同樣地詳細資料看來都係 要留待發佈會先知。
有關華為今次發佈會的消息暫時就得咁多了。版主已經係英國準備好去 Huawei P8 今晚 15/4 十點開波的發佈會啦！有關呢部手機有甚麼問題大家即管問啦！版主會盡力答！（當然部機耐唔耐摔，同 One M9 比邊部硬呢啲就。。。答唔到了
）來源：ubergizmo 、 phonearena