大家仲記唔記得，之前版主我同大家介紹過 Honestbee 呢間公司，呢間公司係一間來自新加坡的公司，並在香港推出了首個網上百貨按需專送服務。簡單啲黎講，只要去 Honestbee 香港網站 註冊、輸入送貨地址以及選購貨品，然後就會有 Honestbee 專員為你去店舖挑選貨品，大約一小時就可以將新鮮食品送到客人手中。呢項係一個創新又方便嘅服務，而你嘅主要職責就係收到 order 之後要去店舖揀貨品，然後送到客人手上，聽落好似都唔係好難啫!
至於參加方法好簡單，由即日起至 2015 年 12 月 18 日晚上 11 時 59 分，只要你年滿 21 歲，並拍攝一段 15 秒的短片，解釋點解自己適合呢份「至筍工作假期」，再上載至 instagram，加上 #WorldsCoolestJob，就可以完成申請。Honestbee 將會於參加者當中挑選兩位勝出者，並送上新雪谷「筍工」合約!
咁多參加者，Honestbee 會以甚麼標準去挑選幸運兒呢? 獲勝的關鍵在於 Like 的數量，最多 Like 的 10 條短片將獲得面試機會，Honestbee 到時先會再喺 10 個參賽者當中挑選 2 位獲勝者，而大會將會於 12 月 28 日公佈最後勝出名單。
如果想了解更多有關比賽嘅資訊，可以按此。睇完呢個「至筍工作假期」之後，搞到版主我都有啲心動想去參加添! 版主 Keith 講笑話如果我考到就俾我去，不過小弟不才覺得自己應該都去唔到架喇! 但我應該都會嘗試一下，你又會唔會想去試下參與一下呢?