Letv 樂視今日請埋英超嘅 CEO 來港宣佈奪得 2016 至 2019 年季度嘅英格蘭超級足球聯賽 (英超) 嘅香港區獨家播映權，證實了近月的傳聞是真的。由於涉及到上市公司 PCCW 嘅原有獨家播映權、4K 解像度觀看方案、互聯網電視等等，全港嘅港聞、財經、體育及 IT 媒體都有出席，再加上中國媒體，真係迫爆會場。本來播開英超嘅 now TV 亦發聲明表示已與樂視達成協議，會係 2016- 19 繼續播放英超，似乎 Letv 樂視有獨家版權，但不會玩獨家播放。版主收到料，連第二大寬頻網絡供應商，香港寬頻 HKBN，也會用英超搶客。版主係記者會完畢，便收到業界人士傳給我嘅 WhatsApp / Facebook 截圖，指出香港寬頻 HKBN 都會播英超，更會用此來作上台、留客招數！截圖更指，HKBN 會大量請 Sales，達 100 人及 Supervisor 全力上客！
不過，線人同我講，HKBN 不會透過電視頻道即旗下嘅互聯網電視服務 BBTV 播放，不過，應該係香港寬頻未來會賣樂視盒子 (申請上網送盒子)。的確，Letv 樂視亦講明，今次英超播映權易手，代表傳統電視台播球賽歷史已成過去，未來 Letv 除了用電視媒介，也會透過盒子、手機及平板等方案播放。HKBN 用此借口上客，也是聰明造法吧。英超不再一個台獨播，大家都歡喜嗎?
▲ 圖中嘅 Alvin Lai 經版主查證，堅係 HKBN 嘅高級營業員，放晒風話 HKBN 會播英超，你又信唔信？