臨結束之前，亞視會為大家送上一張「卡」
亞視節目部執行主任程啟光今朝在電台節目上表示，因為亞視會喺凌晨就結束大氣電波的廣播，所以佢地會喺今晚 11 時 59 分 07 秒，將會有一張「卡」在電視畫面上出現，直到夠鐘就會出現黑畫面。至於張「卡」內容係點? 佢就話佢都唔係好了解，觀眾到時自己睇啦! 其實版主估計，咪又係多謝大家咁多年來的支持之類嘅野啦! 唔知係咪，大家可以留意一下! 不過亞視話哂都陪左大家咁多年，雖然大家唔係成日睇，但對於亞視還是一點也不陌生，對於佢終於玩完，其實都有點令人傷感......
亞視結束，香港電台接手，重播舊節目?
雖然過左今晚 12 點，亞視的模擬頻道就結束，不過並唔代表之後就無野睇! 亞視玩完，就將會由香港電台接手，改為港台 31。但係港台 31 將會在聽朝 6 點半先正式啟播，咁中間的時間點算呀? 根據港台 31 的節目表，我地可以見到，由凌晨 12 點開始，就會重播《十大中文金曲頒獎音樂會》，直至凌晨 1 點半。到 6 點半正式開台，就會重播舊節目《香港故事－自遊香港》，搞笑嘅係，港台會重新配上印尼語字幕，在香港搞埋啲印尼語字幕，到底俾乜人睇? 係俾香港的印傭睇? 需唔需要整埋個菲律賓字幕? 對於呢點，版主覺得好搞笑之餘，亦很奇怪。
▲ 按上圖或按這裡可以查看 28/3/2016 － 03/04/2016 港台 31 的節目時間表。
未死得哂? 原來亞視有個台仲播緊!
之前都同大家提過，亞洲電視其實都包含左好多唔同的台，除左大家都好熟悉的本港台、國際台以及亞洲台之外，仲有歲月留聲、CCTV1、深圳衛視等等。咁唔知大家有無留意亞洲電視官網，如果你按入去大部份台 4 月 2 日的節目表，你係見唔到再有任何節目播放。然而，亞洲電視其實係有兩個美洲版嘅台，分別為東岸的以及西岸的，係衛星電視黎，香港睇唔到的，按入去你會發現，就算你㩒到去 4 月 10 日，你都會見到仲有節目，即係咁講，如果你有親朋戚友係住在美國的話，你可以同佢講，亞視未死得哂住，仲睇得，只不過係咁 loop 緊啲舊節目啫!
▲ 去美洲版，你會見到，就算去到 4 月 10 日，都依然仲有節目，未完，不過都係係咁 loop 啲舊節目。
除左港台 31，ViuTV 99 台同日啟播
頭先講左，港台 31 會接手亞視模擬頻道，咁除左港台 31，仲有乜野選擇呢? 如果你屋企係睇緊 nowTV，應該可以見到多左一條 99 的頻道，你可以自行 Tune 去 99 台睇到 ViuTV 的電視節目。咁如果無機頂盒點算? 而事實上，根據 ViuTV 官網表示，就算無機頂盒，一樣可以睇到 ViuTV 99 台! 由 4 月 2 日凌晨 3 點起，只要你係使用數碼電視機，就可以利用「自動搜尋頻道」功能重新搜台，透過大氣電池接收 ViuTV 99 台的訊號，而 ViuTV 將於 4 月 6 日正式開台。不過如果對於老一輩的人來說，可能未必識得 Tune 去 ViuTV 99 台，所以如果大家係識得 Tune 的話，記得幫下你的身邊朋友，如果唔係佢地就只能睇 TVB，一台獨大。
▲ 如果你有 nowTV 機頂盒，你會發現新增左一條 99 的頻道，只要 tune 到去 99 台，就可以去到 ViuTV，你會見到左上方大大隻字寫住：「免費電視 99 台 ViuTV 4 月 6 日同全港觀眾見面」。
▲ 如果你係 NowTV 客戶，就已經可以睇到 ViuTV 的節目。
▲ 無機頂盒都唔緊要，聽日凌晨 3 點起，如果你係用數碼電視機，就可以利用「自動搜尋頻道」重新搜台，接收 ViuTV 99 台的訊號，4 月 6 日就會正式開台。
一人一句，同亞視講你的心聲!
點講都好，亞視都已經陪住香港人 59 年，相信有不少人都有好多說話想同亞視講，大家不妨在下方，利用 ePrice 帳號或者 Facebook Account，一人一句留下你對亞視的心聲! 咁版主我就做第一個，分享一下我想同亞視講嘅野啦!
版主阿坤：「其實，我本身真係一個唔多睇電視的人，應該係話，無咁多時間、精力去睇。對於亞視，我的印象停留左喺細個果陣。記得細個果陣，我阿婆好中意睇亞視，所以每次佢一黎我屋企，就會開亞視，而我細細個就最中意睇亞視陳啟泰做主持的《百萬富翁》，以及以前有一套叫《肥貓正傳》的電視劇，呢啲係我的童年回憶，而亞視就佔左我童年的一部份。老實講，亞視執笠，就算係我而家唔睇電視，其實都會唔捨得......我會永遠記住，曾經有一個電視台，叫亞視!」
版主 Keith：「我好中意睇《歲月留聲》架! 因為好多舊戲丫嘛! 除左舊戲無野好睇架喇! bye~」
版主 Lawrence：「講真，其實亞視到而家先執笠真係叫人傷感，因為竟然到左 2016 年先收檔啊！要知道大氣電波係屬於公眾的，而呢個近幾年完全無價值，只會不斷重播重播重播重播重播重播重播重播重播重播重播的電視台，其實係浪費左大家的資產。亞視都係快手啲執 X 左佢啦 ！」
OTT 手機煲劇：myTV SUPER
開台! myTV SUPER 你一定要知十五個間題
版主 5 步教你搶！3HK 五萬張免費 5GB 4G SIM 卡
谷客＋谷收視 ! TVB + 3HK 聯手 3 月份大派 5GB 免費 SIM 卡
無限上網，變面回歸! 3 香港 推 4G 1Mbps 全月任用
MyTV SUPER 手機計劃登場! 月費 $39 起
力撐 MyTV SUPER! $148 月費包寬頻 + OTT + App 收費電視
光纖寬頻+無限Wi-Fi！「MyTV SUPER」寬頻組合平價登場！
比錢睇大台？學維基、挑樂視 ! TVB Mytv SUPER 月中登場 月費最平 $38
$38 十五條收費頻道任睇! 回答十個 MyTV SUPER 你要知嘅問題
OTT 手機煲劇：NetFlix 使用天書
一個月費，美劇、電影任睇！Netflix 香港版正式啟動
Lycamobile 出動! 平 $13 兼睇有 House of Cards 嘅 Netflix
亞視永恒＋新免費電視：ViuTV 四月開台
PCCW 推出 Viu OTT 視象服務! 樂視、myTV 有新對手了......HKT 香港電訊 正式推出 4K OTT 視像內容服務
亞視提早停播! 睇晒八條 Q&A 要睇新免費電視 ViuTV 無難度
網友公投：ViuTV 同 TVB 大比拼！ 你會揀睇邊台？
ViuTV 手機搶先看! 多套節目獨家追播! 並配上繁中字幕!
搶睇 ViuTV 新免費台！ 網友必記三大日子
OTT 睇片 + 可錄影! NOW TV + 網上行推 all-in-one 4K 盒子!
無亞視睇點算? 收看 ViuTV 必備三大工具，逐一教你完成設定
亞洲電視的最後一天: 佢熄機，你搜台! 睇新免費電視 ViuTV 要知的五件事
亞視執笠四大安排! 網友一人一句，送亞視最後一程!