Sony a7000 以下犯上! 傳首創採用原生 HDR 感光元件
|
Sony
Sony Alpha Rumors 呢個網站貼出重大傳聞,就係 a7000 既 HDR 功能將會大幅度提升,原因係感光元件設有原生 HDR,而且能夠做到影相同影片都 HDR! 究竟咩係 HDR 呢? 簡單一句,當你開左呢個功能,面對逆光環境都唔會影到人樣黑左一舊。目前相機同手機都有呢個功能,但就大部分都係利用軟件運算,只有少部分手機有類似技術搭載。網站聲稱,如果 a7000 搭載呢塊原生 HDR 感光元件,將會擁有高達 15.5 級包圍曝光既能力!
技術原理係感光元件內,設計多組像素群,分別在拍攝時候,自動選擇長曝和短曝,達到不同曝光既取樣效果,能夠避免軟件運算出現既數據誤差。最正係呢樣野可以同樣應用成 HDR 拍片! 但呢樣咁先進既技術,點解會首先被採用係 a7000 中階無反呢?