主題:24MP + DIGIC 7 + 電子防震!Canon EOS M6、77D、800D 登場!

ePrice HK
  • 發表時間:2017-03-15 21:10 收錄檢舉
    一去到 3 月呢啲日子,終於開始多番啲新相機發表。尋日就同大家介紹過,PENTAX 在香港推出了旗艦新機 KP,今日就輪到 Canon 係香港舉行發佈會,發表了幾部 EOS 新機,包括 EOS M6、EOS 77D、EOS 800D 等等,香港會賣幾錢呢?而呢幾部機又會幾時正式開賣呢?睇下文啦!

    24MP DIGIC 7  電子防震 Canon EOS M6、77D、800D 登場
     

    每秒 9 張高速連拍!Canon EOS M6 發表

    首先講下 Canon EOS M6,EOS M6 備有 3 吋 104 萬點多角度電容觸控式屏幕,屏幕可以向上翻約 180 度,而向下翻則約 45 度,配備了 2420 萬像素 APS-C 尺寸感光元件,並支持「雙像素 CMOS 自動對焦」(DAF) 技術,提供左高速以及準確的對焦。EOS M6 用上了 DIGIC 7 影像處理器,內置 RAW 影像處理,而標準感光度範圍最高為 ISO 25600,並支持每秒 9 張的高速連續拍攝以及每秒 7 張具伺服自動對焦的連續拍攝。另外,EOS M6 支持結合型動態穩定技術,配合鏡頭同機身嘅防震技術,在影片拍攝時都可以保持畫面穩定,並內置縮時短片拍攝功能。Canon EOS M6 淨機身香港建議零售價為 $5680,顏色有黑、銀兩種,將於 3 月 17 日正式開賣。

    24MP DIGIC 7  電子防震 Canon EOS M6、77D、800D 登場

    24MP DIGIC 7  電子防震 Canon EOS M6、77D、800D 登場
     

    Canon EOS 77D、EOS 800D 規格,差異不大

    雖然正常來說,EOS 77D 應該係屬於中階機種,而 EOS 800D 應該係入門機種,但事實上今次呢兩部機的規格都幾乎係一模一樣,同樣具有 3 吋可翻轉觸控屏幕,配備 2420 萬像素感光元件、DIGIC 7 影像處理器、連拍速度 6fps、感光度最高為 ISO25600、十字形自動對焦點有 45 個等等,並支持 NFC、Wi-Fi 等功能。影片拍攝部份,兩部機最高都能夠拍攝 1080p 60fps,同時支持最新的影片電子防震功能。

    你話唔係喎,兩部機規格都一模一樣,咁到底有乜唔同呀?真係要講分別,相信就要講操作方面,EOS 77D 備有兩個快速轉盤以及一個機頂屏幕,而 800D 則只有一個快速轉盤,並且沒有機頂屏幕。而呢個微細的分別,就好似之前 EOS 750D 以及 760D 咁。另外,兩部入門級新機,都支持雙像素 CMOS 自動對焦技術。價錢方面,Canon 77D 同 800D 都會在 3 月 27 日正式開賣,前者淨機身賣價為 $6280,而後者賣價則由 $6480 起。呢兩部新機,唔知你又感唔感興趣呢?

    24MP DIGIC 7  電子防震 Canon EOS M6、77D、800D 登場
    ▲ 以上為 EOS 77D 以及 EOS 800D 的完整賣價。


    ▲ EOS 77D 官方影片介紹。


    ▲ EOS 800D 官方影片介紹。

    立即加入Facebook 專頁,新聞/消息/優惠,最快知。

    01樓 ▲TOP 回列表頁