主題:後製化妝無難度! 全新「女朋友」GF8 版主上手試!

ePrice HK
  • 發表時間:2016-03-23 20:48 收錄檢舉
    自拍神器,並不是 Casio 的專利。無可否認,Casio 相機在自拍方面確係表現出色,特別是 TR 系列,不過實在賣得太貴了,一部專為自拍而設的手機,要成七八千蚊,實是不值。除左 Casio TR 系列相機,中意去旅行玩下自拍的話,仲有咩野選擇呢? 有! 今日 Panasonic 就在香港發表了 LUMIX GF8,同樣係 sell 自拍,而且仲有得換鏡,靚靚仔仔價錢合理,會是網友你地杯茶嗎? 即刻上手 GF8 比大家睇真啲,到底呢部相機適唔適合成為你的「女朋友」!

    後製化妝無難度! 全新「女朋友」GF8 版主上手試!

    3 吋可揭翻屏幕,仿皮特製扮「文青」
    Panasonic LUMIX GF8 延續了上代 GF7 的設計風格,同樣配備 3.0 吋 104 萬像素 180 度翻揭觸控式顯示屏,當你諗住自拍,翻轉屏幕的時候,就會自動切換成自拍模式。而且 GF8 的機身輕巧,體積為 106.5 x 54.6 x 33.3 mm,淨機身重量有 236g,拎上手並不會墜手。外型上 GF8 靚靚仔仔咁,以高級仿皮特製,有銀色、啡色、粉紅色以及橘色四種顏色選擇,帶出街影相都可以扮下文青。咁之前都同大家講過,GF8 的目標客戶群為愛自拍的女士,所以顏色上都比較女性化,但如果男士使用的話,個人覺得啡色、銀色都好靚! 不過,美中不足的是,GF8 並沒有「握手位」,當進行單手拍攝時,版主覺得個手感麻麻地。

    後製化妝無難度! 全新「女朋友」GF8 版主上手試!

    後製化妝無難度! 全新「女朋友」GF8 版主上手試!
    ▲ Panasonic LUMIX GF8 是可換鏡的,買機有單鏡套裝以及雙鏡套裝兩種選擇。從正面來看,我就覺得幾有文青 feel,你點睇呢?

    後製化妝無難度! 全新「女朋友」GF8 版主上手試!
    ▲ 機背會見到 3.0 吋 104 萬點的觸控屏,就因為個觸控屏,我覺得好有親切感,記唔記得我之前講過,因為我自己用緊 Canon 700D,習慣有 Touch 芒,之前試過果幾部 DC 仔都無 Touch Mon,令我覺得好唔慣。嗯嗯,呢部 GF8,有前途! icon 基本功能 GF8 都有,例如 MENU、白平衡、連拍等等。

    後製化妝無難度! 全新「女朋友」GF8 版主上手試!
    ▲ 個觸控屏係翻揭式的,最多可以翻轉 180 度。

    後製化妝無難度! 全新「女朋友」GF8 版主上手試!
    ▲ 同一般相機一樣,機的上方可以調整拍攝的模式,而呢部 GF8 亦內置類似「創意模式」的功能,可以按照自己的喜好,改變 filter。

    後製化妝無難度! 全新「女朋友」GF8 版主上手試!  後製化妝無難度! 全新「女朋友」GF8 版主上手試!

    後製化妝無難度! 全新「女朋友」GF8 版主上手試!  後製化妝無難度! 全新「女朋友」GF8 版主上手試!
    ▲ 總共有八頁的效果可以選擇,當中更包括「縮影」 (版主個人其實幾中意呢個效果)。

    後製化妝無難度! 全新「女朋友」GF8 版主上手試!
    ▲ 機的右側打開個「蓋」之後,可以見到有 MicroUSB 插槽 (作充電用途) 以及 HDMI 插槽。而另一側就乜都無的,所以都唔俾大家睇了!

    後製化妝無難度! 全新「女朋友」GF8 版主上手試!
    ▲ 機底會可以俾你插 SD 卡以及電池,LUMIX GF8 原裝電的續航能力,大約可以影到 230 張相片。

    後製化妝無難度! 全新「女朋友」GF8 版主上手試!
    ▲ 自拍其實相當方便,另外有多種自拍模式,包括一揮即拍 (Face Shutter)、一合即拍 (Buddy Shutter),當用家揮手或者偵測到兩個臉孔的時候,就可以幫你自動影相。

    後製化妝無難度! 全新「女朋友」GF8 版主上手試!
    ▲ GF8 的重量為 236g,輕巧細小,適合女性使用。(當然,其實我覺得男士用都無問題架! 至少我幾中意!)

    為自拍而生,新增 Beauty Retouch 功能,俾女士後期化妝
    Panasonic LUMIX GF8 採用了 1600 萬像素 Live MOS 感光元件,並配備了 Venus 影像處理器,即使在低光的環境下,令影像的光暗以及色彩層次有所提升,感光範圍最高可達 ISO 25600。GF8 配備高靈敏度的 AF 系統,能夠讓對焦更快更準確,並具有不同的自動對焦功能,包括人臉 / 眼睛偵測自動對焦及低光自動對焦 (Low Light AF)。另外,GF8 內置 iA (智能拍) 模式以及場景指引 (Scene Guide),方便換鏡相機的初學者使用。

    作為一部專為女士而設的自拍相機,唔少得的當然是它的美顏功能,並新增了「柔和膚色」、「瘦臉」等功能。值得一提的是,上代的 GF7 雖然都有美顏的功能,不過以前就只有 Low、Medium、High 三級的美顏。而今代的 GF8 將美顏功能加以強化,新增至 10 級美顏效果。另外,GF8 新增了 Beauty Retouch 功能,呢個係咩野功能黎架呢? 其實就係,當你自拍完之後,你就可以在相機內進行模擬化妝,除左可以美肌、修正面形以及美白牙齒,在化妝模式中,你亦可以選擇底妝、嘴唇、臉頰或者眼影的顏色。

    以下版主將會簡單示範一次 GF8 新增的 Beauty Retouch 功能:
    後製化妝無難度! 全新「女朋友」GF8 版主上手試!
    ▲ 咁首先我就請 Model 姐姐幫我自拍一張靚相先啦!


    ▲ 影完之後,你可以按「Menu / Set」,選擇「Beauty Retouch」,揀番你想美顏的相片,再按多次「Menu / Set」,等佢一陣就會叫你按左/右改變要美顏的位置,不過版主當時第一次玩,有啲唔熟,見到個黃色箭咀,禁極都入唔到去,好似篤又唔得,掃又唔得,不過後來發現,係要篤箭咀偏左的位置,或者按「Menu / Set」先得。入到去你可以見到有不同的美顏效果,例如美肌、修正面形、美白牙齒等等,而版主我就試下按入去「化妝模式」,選擇底妝、嘴唇、臉頰或眼影的顏色,咁我就試下改變嘴唇的顏色,揀左顏色之後按「Menu / Set」,佢會問你「Retouch Complete?」,選擇「Yes」,佢就會俾你睇下「化妝」前同「化妝」後的分別,再按「Menu / Set」,你就可以儲存新圖像。唯一唔好的係,佢儲存的時間真係頗長,最長可能要等成 2 分鐘。

    小結
    老老實實,Panasonic LUMIX GF8 同上代相比,差別大唔大呢? 實情真係唔大,至少部機的配置方面同上代無乜分別,差別在於佢多左一些新功能如 Beauty Retouch 以及新增更多美顏功能。不過無可否認,版主好中意呢部機,唔單止可以俾我扮下「文青」,而且版主都成日同大家講,我好中意自拍,俾着以前,我自問可以稱得上叫「病態自拍狂」,不過而家就正常左好多icon。重點係,呢部機即使只是小改之作,但依然無減佢的好用,自拍的手感唔差,版主自己都有部 Casio 的自拍相機 (非 TR 系列),但係因為太大部的關係,自拍唔方便,然而 GF8 體積適中,加上佢內建兩個快門鍵,中意左手影又得,右手影都得,以呢個價錢來說,呢部 GF8 已經可以話係收得貨。網友們點睇呢?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁