主題:500px 進軍中國,已刪相片被複製到中國網站,引來部分攝影師怒轟!

ePrice HK
  • 發表時間:2015-10-16 14:09 收錄檢舉
    平時有玩開攝影嘅朋友,唔知你地通常會利用咩渠道將你嘅作品分享出去呢? Facebook? Instagram? 還是......? 你地有無聽過有個叫 500px 嘅外國網站呢? 呢個網站其實都係其中一個分享作品嘅渠道,而且尋日呢個網站嘅創辦人就宣佈,500px 開始進軍中國,同中國 VCG 網站合作,推出左個 500px.me 嘅網站,但引起部分攝影師不滿,紛紛投訴。到底係 500px 做錯左啲乜,還是班攝影師唔想個網站喺中國發展呢? 版主而家就同大家解開呢個謎團。

    500px 進軍中國,已刪相片被複製到中國網站,引來部分攝影師怒轟!

    原來呢個 500px.me 只係將 500px 原有嘅資料全部搬到去 500px.me 度,然後將所有文字翻譯做中文。呢個都唔係重點,重點係有啲攝影師明明喺 500px 網站度將最近呢兩日嘅相 delete 左,但莫名其妙咁又係中國嘅 500px.me 出現番,更大嘅問題係,500px 嘅帳戶無辦法用黎登入 500px.me,導致佢地無辦法將佢地嘅相從中國嘅 500px.me 移除,而有人認為 500px 未得攝影師的批准,喺佢地不知情的情況下,擅自將佢地嘅作品複制到中國版的 500px.me,呢個先係網民怒插 500px 嘅主要原因。

    500px 進軍中國,已刪相片被複製到中國網站,引來部分攝影師怒轟!
    ▲ 惹來外國 500px 網民怒轟。

    而 500px 嘅創辦人解釋,因為目前中國版嘅 500px.me 只係測試版本,當中喺同步資料嘅過程上,可能會出現一啲錯誤,佢最終係想做到就算係 500px 嘅用家都可以控制到 500px.me,希望大家可以俾啲時間佢,佢期待問題會逐步解決咁話喎。

    唔知大家對於 500px 進軍中國呢個舉動有咩看法呢? 真係俾你揀,你會唔會選擇使用 500px.me 呢? 大家覺得今次出現嘅問題係咪真係好嚴重呢? 如果你係當事人,你會有咩感受? 留言講下你嘅意見啦!

    來源:Petapixel | 500px.me

    立即加入Facebook 專頁,新聞/消息/優惠,最快知。

    01樓 ▲TOP 回列表頁