超可愛!澳州發現現實版比卡超
|
聲音內容
前陣子八達通推出比卡超版,吸引了大班粉絲搶購,如果能夠俾你見到現實版比卡超,你又會唔會非常驚喜呢?最近澳州墨爾本野生動物救援中心,就接受咗一隻袋貂孤兒,不過有別於普通袋貂擁有灰黑色的鬃毛,呢隻孤兒仔竟然全身黃色,似足比卡超。跳轉睇相。
[SEP]
好彩當地人發現佢之後,馬上送去墨爾本野生動物,救援中心嘅醫護人員見到呢隻 5 個月大嘅袋貂咁似比卡超,就索性叫佢做「比卡超」。黃色鬃毛令呢隻袋貂份外可愛,但其實「比卡超」係因為基因突變先至會咁嘅顏色,未知係咪呢個緣故被媽媽遺棄,有分析認為佢喺媽媽背脊跌咗落地,但媽媽冇發現就離開咗。
負責照顧「比卡超」嘅墨爾本野生動物救援中心表示,由於佢喺野外太過搶眼,容易成為掠食者嘅目標,加上袋貂習慣有自己嘅地盤,所以不適合將「比卡超」放生,暫時會將佢留低照顧,未來會考慮交俾其他野生動物中心飼養,應該唔會住喺精靈球裡面啩!
資料來源:gamme