舊片重温:食生命麵包唔可憐,仲好有營養架

Keith Yim 2019-11-22 13:45 | 節目推介
bread-fb.jpg
香港理工大學示威者與香港警察對峙事件,有傳媒錄得警方係現場大大聲咁講:「而你哋 (示威者) 就繼續喺度食生命麵包......通常基層拾荒者老人家食,我覺得好可憐。」

食生命麵包係咪好可憐?不如我哋齊齊重温一下,生命麵包係八十年代嘅廣告,其實生命麵包好有營養架!有 D 乜呀?跳轉話你知!
[SEP]
有傳媒錄得,係 21/11 晚上,係香港理工大學,警方以揚聲器對理大裡面留專嘅學生大大聲咁講「而你哋 (示威者) 就繼續喺度食生命麵包......通常基層拾荒者老人家食,我覺得好可憐。」 ,仲表示警察收工可以「上深圳食海底撈 」(中國著名火煱店,其實香港也有分店)。

 


根據網上「西環變幻時」Facebook 群組,有人 Post 了「生命麵包」來源:

「60年代,香港還是一個為飽腹發愁、缺乏營養認知的時代,嘉頓開闢了在麵包中加入維他命和礦物質的先河,希望更多人借食用麵包補充營養素,所以取名「生命麵包」。 70年代幾次天災,政府都以生命麵包作為主要賑災食物,派發于流離失所人士,協助他們渡過生死難關。」

螢幕快照 2019-11-22 下午1.00.01.png

而嘉頓官方網站,對生命麵包嘅營養成份係咁樣寫:


生命麵包內含的營養素:
1.維他命B1:幫助碳水化合物的消化和代謝,增強能量,維持神經系統及肌肉的正常運作。
2.維他命B2:保護神經系統、皮膚、指甲、眼睛、頭髮的整體健康,有強化脂肪代謝的作用。
3.維他命B3:改善血管及消化功能,有擴張血管作用,並能幫助修復受損肌膚。
4.葉酸:促進紅血球和DNA的生成,亦是細胞分裂的重要養分。由於懷孕初期是細胞分化的高鋒期,所以特別需要葉酸來預防胎兒的神經管缺陷問題。
5.鈣質:人體中含量最高的礦物質,鞏固骨骼和牙齒堅固。
6.鐵質:在血液中製造血紅素的必要營養,亦可幫助細胞增長及分裂。

螢幕快照 2019-11-22 下午1.21.46.png

而版主係 YouTube 上面,揾到應該係八十年代,嘉頓為生命麵包嘅廣告,當中一句:「生命麵包嘉頓製造,有雙倍維他命」




有雙倍維他命....有雙倍維他命....有雙倍維他命...
好重要,廣告裡面都不停係咁唱!


版主年紀都唔細,其實生命麵包同維他奶,都係七十年代,八十年代,唔少年輕人嘅早餐選擇,真係養活咗唔少人,食生命麵包係咪好可憐?其實要多謝番嘉頓係當年創造左生命麵包就真。

最新新聞