具有 Nokia 5710 XpressAudio 同樣賣點的 Android 智能手機抵港
說的是 Ulefone Armor 15,呢部手機具有同 Nokia 5710 XpressAudio 一樣嘅賣點,就係機身有個位置,可以收埋一對真無線藍牙耳機,只係取出耳機嘅方式稍有不同,而呢部手機相比起 Nokia 5710 XpressAudio,優點係佢係一部 Android 智能手機,可用性相比起 Nokia 部功能手機高,而且支持三防,耐用性高。順帶一提,講起呢部手機,其實 8 月嗰陣佢曾經喺 KickStarter 集資平台進行公眾募資,去到現在 11 月,終於正式香港有賣,建議零售價 $1999。Armor 15 用上 5.45 吋 HD+ 芒,配備 MTK Helio G35 處理器,內置 6GB RAM 以及 128GB ROM,電池容量為 6600mAh。相機部分,Armor 15 用上 12MP + 13MP 後置鏡頭,前置鏡頭則為 16MP。