留意到中國移動香港 CMHK 同埋 SmarTone，早前都推出咗「一 App 多號」嘅服務，只要你係呢兩間網絡商嘅用戶，下載指定嘅 App，就可以透過呢個 App，申請虛擬電話號碼，並且可以隨時隨地喺個 App 入面管理，開啟 / 關上 SIM 等等，唔使多部手機，唔使幾張 SIM，相當方便。而以下係呢兩間網絡商嘅服務詳情。
CMHK：「多號通」
CMHK 最近宣傳得好勁，就表示推出咗另一個手機 App，叫做「多號通」，可以幫用戶輕鬆管理高達 5 個個本地電話號碼，當你打電話出去時，你可以隨心選擇任何一個號碼顯示喺對方嘅來電顯中，而接聽來電時同樣可以得知對方係打緊邊一個號碼。你亦可以喺任何一個副號碼發送同埋接收短訊，並隨時設定副號碼嘅開關狀態。而呢個服務更適用於國際漫遊服務。CMHK 呢個服務，每個副號碼收費為 $15 / 月，每個客戶最多可以同時使用 3 個流動電話 + 1 個固網電話號碼作為副號碼，副號碼可以隨時註冊以及註銷。
按這裡了解更多詳情
SmarTone：「一機多號」
比起 CMHK 更早推出嘅，有 SmarTone，只需要下載 SmarTone CARE App，登入之後選擇所需嘅服務，例如一機多號 (流動電話號碼) 或者一機多號 (固網電話號碼)，並按下「申請」，之後按需要揀選日費或月費計劃，日費嘅話每日 $5，而月費嘅話就每月 $30，要簽約 12 個月。最後同意條款細則之後，就可以「立即登記」。揀返你心水號碼，再按「確認」，最後就係輸入你嘅 SmarTone 流動電話號碼，獲取一次性驗證碼，當「確定」按鈕轉為紅色，代表登記完成，過程只需幾分鐘，按「確定」就可以使用號碼。之後，你平時打出打入，就可以透過 App，選擇你要使用嘅電話號碼，然後撳返「撥號鍵盤」，打出打入就得，收短訊都係喺 App 入面搞，都係相當方便。按這裡了解更多詳情
第一步。
第二步。
第三步。
第四步。
選擇「確定」。
進入「一機多號」主頁面管理號碼。
可使用不同功能。