豐澤宣佈最新荃灣特賣場詳情，將會喺 6 月 20 日至 29 日舉行，當中 VIP 會員特定時間，係 6 月 20 至 21 日，其他易賞錢會員就係其他日子，會唔會有 Walk-in 唔知，佢哋有時係會不定時突然話有得 Walk-in，但都要睇到時實際情況，不過如果你本身係豐澤 VIP 會員或者易賞錢會員，由即日起至 6 月 15 日，你可以按呢個連結，登記入場名額。
另外，豐澤亦喺佢哋 Facebook 專頁上，亦都透露咗有啲乜嘢必選好物，其中如果智能手機嘅話，就有三星 Galaxy S24 8GB / 256GB，特賣場價為 $3078，計起上來即係 52 折左右，另外 Redmi 13C 亦有 36 折優惠，$499 有交易。至於其他筍貨包括有 ASUS vivobook 15X OLED，$3499 即大約半價。如果有興趣的話，就記得快啲報名去睇下喇！
