八達通宣佈舉辦第二屆「828 樂悠節」！聯乘 120 家商戶派發總值 828 萬現金回贈，包括 $1 一隻雞

左定坤 (Cho Ting Kwan) 2025-08-26 19:06 | 手機綜合區

唔知在座咁多位 ePrice 讀者，有幾多個已用緊「樂悠咭」呢？事實上，好多時候政府同埋唔少公司，都會有好多着數畀長者，當然八達通都唔例外。自去年首辦「828 樂悠節」以來，已成為全港規模最大的年度銀髮盛事，而八達通今年將會舉辦第二屈，向樂悠咭持有人派發總值 828 萬現金回贈，同時聯同 120 家商戶推出獨家優惠。只需使用樂悠咭付款，即可輕鬆享受多樣化消費禮遇。想知詳情，睇下文啦！

第二屆「828 樂悠節」優惠展開

根據八達通公司指出，樂悠咭持有人數目前已超過 200 萬人，反映銀髮族群展現出可觀的消費潛力。今年「828 樂悠節」參與商戶數量亦較去年倍增，種類涵蓋餐飲酒樓、西餅面包、超市零售、生活百貨、保健美容及電訊電器等。

而由 8 月 28 日起至 9 月 10 日，樂悠咭持有人於指定參與商戶實體店以樂悠咭單筆消費滿 $100，可享 $8 現金回贈；推廣期內每張咭最高可獲回贈 $800，活動總回贈金額高達 828 萬。現金回贈名額有限，派完即止。

今年有 120 個商戶和八達通聯乘推出樂悠咭獨家限定優惠，例如麥當勞 $100 買 4 個指定套餐套票、$28 大家樂茶餐、$10 半斤瘦肉、$1 一隻雞翼等等，優惠眾多，大家按這裡可查看「828 樂悠節」參與商戶以及優惠詳情。