八達通日本 PayPay 今日破紀錄，單筆高達近 17,000 蚊
八達通卡有限公司（八達通）喺 10 月 2 日先推出「八達通 x 日本PayPay二維碼支付」服務，港人去日本旅遊時，喺任何有 PayPay 商標的店舖，用八達通 App 掃碼就用港幣付錢，省卻兌換日元的麻煩，仲可享零手續費同優惠匯率。推出咗未夠一星期，就已經成為全城熱話！官方表示，今日（10 月 8 日）單日交易金額同宗數均創下新高，當中最高單筆交易金額接近 17,000 港元，證明港人喺日本掃貨食玩都好積極。由飲食、購物到娛樂，包括大型連鎖店同當地特色小店，旅途中隨時 App 增值，相當方便。版主試過喺東京街頭用，嗰幾日好少出現用唔到嘅情況，使用體驗相當順暢！
小插曲：昨晚不暢順已解決，款項全數退回八達通戶口
至於昨晚少數客戶反映的不暢順情況，官方即刻回應：服務已於昨晚全面恢復正常，所有相關款項已全數即時或於今日內退回客戶的八達通銀包或手機八達通賬戶，毋須擔心！八達通日本 PayPay 支付一推出就爆紅，今日破紀錄證明港人出境需求大，未來優惠更多，版主都等唔切再去日本試！如果你最近會打算去日本旅行，記住下載八達通 App 試下，超方便。你又試過未？留言分享下啦！