價格定位：水貨價 VS 內地行貨
要知抵唔抵，首先要知部機本身值幾錢。呢部阿士頓馬丁聯名版嘅 realme GT8 Pro，喺內地官方定價為 5499 元人民幣（約港幣 $5,930），而家香港水貨網店賣 $5880，比起內地正價其實唔差幾多，但就免卻咗自己集運嘅麻煩同風險。當然，水貨始終冇官方香港保養，呢點要自己衡量。
realme GT8 Pro 硬件規格
首先講下呢部 realme GT8 Pro 最搶眼嘅阿士頓馬丁聯名設計。作為限量版，機背用上賽車金屬漆感玻璃，有獨特嘅流動光澤。最過癮係跟機附送方、圓兩款定制碳纖維紋理鏡頭模組，你可以用附送嘅螺絲批自己動手換，變換手機「造型」。電源鍵同機身曲線仲有「激情檸」色點綴，盡顯賽車基因。性能方面，佢係頂級配置，採用 Qualcomm Snapdragon 8 Elite Gen 5 處理器，配合專用嘅電競獨顯芯片 R1。簡單講，即係無論你打最食效能嘅手遊，定係同時開十幾個 App 切換，部機都幾乎不會有卡頓。全系列更採用 LPDDR5X 記憶體同 UFS 4.1 儲存，速度有保證。
影相係另一大殺手鐧。realme 同經典相機品牌理光（Ricoh）GR 合作，將後者嘅影調哲學放入手機。除咗有 GR 相機標誌性嘅「高對比黑白」等五大菲林模擬色調，更還原咗「快拍對焦」等功能，一掃即可啟動街拍模式，捕捉瞬間。硬件上更加震撼，搭載 2 億像素潛望式長焦鏡頭，支援 3 倍光學變焦。呢個配置意味住你影遠景，放大後細節依然驚人，去演唱會或者旅行影遠處風景就大派用場。
最後係極致續航，手機內置等效 7000mAh 嘅超大容量電池，續航力完全唔需要擔心。更支援 120W 有線快充同 50W 無線快充，就算電量告急，叉一陣就夠用大半日。
報價查詢：國恆電訊