儲值卡啟動網絡商大戰!csl. 改 15GB FUP 上限!Hemat $88 無限上網

Keith Yim 2017-09-02 12:19 | Csl
各大網絡商都朝向 5G 升級!去到 5G,講嘅當然唔係最高上網速度係咪去到 600Mbps 咁簡單,係容量!再加埋用家對數據使用量要求,你估仲係當年 SmarTone 黎 Sir 咁講,平均一個人,每月用 2GB 數據咁少咩!csl. 係九月一日,突然更改旗下儲值卡公平使用條款,寫明 Fair Usage Policy (FUP) 上限係 每月 15GB 數據用量,用爆左仲唔係立即限你速,比起之前用爆 6GB FUP 即跌 128kbps 地獄好大分別!如此同時,csl. 旗下針對本地外傭嘅 Hemat (印尼傭工) 卡、Kusmata Ka (菲律賓傭工)卡,都大減數據收費,最平正價做到 $88 月費,包 15GB FUP 無限上網。據知,爆左 15GB 速度都唔會係地獄 128kbps,跟本就係無限上網平價復活版。

fb.jpg

中國移動香港 + csl. + 數碼通 用賓印儲值卡,搶平價數據上網市場
其實,今次啟動今次網絡商無限上網減價大戰,唔係 csl. 係中國移動香港,版主早前以天書方式,介紹過中國移動香港 CMHK 嘅 Kabayan (菲律賓傭工) SIM 卡,佢地七月初把數據收費模式調整,把本來只係地下式,沒有公佈出來的上網最高速度,真正 FUP 也寫得清清楚楚,原來$98 可有三十日無限上網,採用 4G 網絡,首 15GB 速度達 3.6Mbps,FUP 之後都有 2Mbps 速度。識玩之人都知,呢個係任何一個 4G 網絡,都輕易保證到的速度,但用家已可睇到 720p 串流短片,仲可快速地上網 (唔少 WiFi 熱點實際速度都無咁快) 。CMHK 透過推廣,試過做到 $38 三十日無限上網,版主教過你 (Click 呢到)  去到年底,都可做到 $55 無限上網 (立即 Click 呢到)。

CMHK Kabayan 改變數據收費模式及推廣,引發香港其他網絡商,更改外傭卡嘅收費模式,先係數碼通,九月份起,連香港最大嘅 csl. 都要改。CMHK、SmarTone 與 csl 嘅外傭卡收費又係點呢?版主跟大家 Sum Up 一下

中國移動香港 CMHK
卡名:Kabayan (菲律賓傭工) 、Rekanan (印尼傭工)、My Friends (泰國或巴基斯坦傭工)
無限上網收費:$88 包 30 日無限上網,採用 4G 網絡首 15GB 速度高達 3.6Mbps,之後最高 2Mbps 速度。


02.jpg

數碼通 SmarTone 
卡名:Barkadahan sa smartone (菲律賓傭工)  Sahabat Setia Smartone (印尼傭工)
無限上網收費:$88 包 30 日無限上網,採用 4G 網絡首 15GB 速度高達 3.6Mbps,之後 1Mbps 至 40GB,再之後 128kbps (2018 年 1 月更新:40GB 後,可加 $18 回復  3.6Mbps 網速 )

04.jpg
▲ 版主係屋企反而用緊呢張:仿間叫數碼通 4G 半日卡,其實係上面兩張數碼通外卡變種,名字叫 「Barkadahan sa smartone Paket Data SUPER  4G LTE」或「 Sahabat Setia Smartone Paket Data SUPER  4G LTE」 以前只賣給真正外傭 (登記來港工作證) ,但不少卡已流出市面 SIM  檔。SIM 檔卡價 $200 (原價 $150) 包 30 日無限上網,採用 4.5G 網絡速度可以過 100Mbps,高速只限早上九點至晚上九點,其他時段速度為 1Mbps,沒用途限速。可到數碼通門市買專用增值劵,每月增值 $150,延續計劃 (此計劃本身為 $148 / 30 日) (2018 年 1 月更新:此機已停止發售)

Csl.
係九月一日,csl. 先把全線包括本地及外傭卡的 FUP  公平使用條款更改為 上限 15GB,並列明爆左 FUP,限速至 128kbps 只係其中一個網絡管理手段,佢地唔一定用。如此同時,Hemat 與 Kustmata Ka 的無限上網收費亦改為如下:

卡名:Kustmata Ka (菲律賓傭工) 、Hemat  (印尼傭工)
無限上網收費:$88 包 30 日無限上網,採用 4G 網絡首 15GB 速度高達 3.6Mbps,之後實行 FUP 政策。而跟據網友回報,FUP 後都有 2Mbps 速度。(2018 年 1 月更新:首 20GB 最高速度有 3.6Mbps 之後限速 128kbps,可加 $48 回復 3.6Mbps 至每月一日 )

05.jpg

教你點入手
版主都講過,雖然呢 D 外傭卡好似只服務非本地人,但跟本人人可買,部份門市就有入手零難度,以下再歸納一下主要購買點:

中國移動香港 CMHK :  門市 / CMHK 網站
數碼通:門市 (Super 4G LTE 卡除外)
csl. :  指定外傭超市,SIM 檔


小結:手機月費只有平

有別於以前減價的日子,加陣網絡商不會用正價 Plan 去減價,反而會用不同市場分野,去作出不同減價,今次外傭儲值卡數據收費減價大戰,其實普通香港人都用得,就算是上台 Plan,你小心研究,都有好抵嘅 Package。要平嘅話,最緊要留意 ePrice 版主分享,我哋會教盡你架!

最抵 PrePaid SIM 儲值卡天書

CMHK Kabayan 卡巴仁新玩法!$55 高速 4G 無限上網
又係 CMHK Kabayan! 上網 Plan 又減價,最平 $45 4G 無限上網
玩盡 csl Hemat! 版主教你 $78 30GB 4G 高速無限上網
儲值卡啟動網絡商大戰!csl. 改 15GB FUP 上限!Hemat $88 無限上網
 

最新新聞