重施故技
雖然我唔知點解，品牌可以叫自己做 Nothing，簡約一定唔係用呢個英文字，Nothing 明明係解作「乜都無」，但可能呢排手機設計太悶，所以佢哋部 1 號機，有個透明機背嘅 Nothing phone (1) 係傳媒界就有好多報導。香港一定會推出，代理仲揾到 csl 做 1/2 個獨家售賣點，csl 亦駛出 Mirror 演唱會差唔多嘅手法，將集團旗下 「Tap&Go」捆綁起來，買機一定要用「Tap&Go」作消費劵發放電子錢包。「Tap&Go」係其中一個第二輪消費劵發放指定電子錢包。今次容許六間電子錢包「搶客」，其他電子銀包都用派錢、派優惠去引你過檔，「Tap&Go」相反，你唔用佢哋電子錢包收消費劵，呢部 Nothing (1) 手機，你無份優先買。係咪同 Mirror 演唱會抽獎事件好似？抽獎之前，要簽約買 Service，差不多要上萬元先有機會買演唱會門票。今次就要你放棄其他電子錢包優惠，先可以買手機，你會用邊兩個字，形容 csl + Tap＆Go 嘅吸客手法？
以下是 csl 今日傳給客戶嘅 SMS 資料：
「潮流科技 Nothing 品牌首款手機 Nothing phone (1) 即將正式發佈。呢款全新手機設計承襲咗 Nothing ear(1) 嘅透明感設計，繼續主打型格路線。csl 獨家發售* Nothing phone (1)。現有及新客戶成功以Tap & Go「拍住賞」領取2022年（第二階段）政府消費券計劃嘅消費券^可優先於2022年6月24至7月12日期間，透過csl x Nothing 產品專頁 //r.hkcsl.com/ca86ea66 登記資料預訂 Nothing phone (1) 淨機，盡顯時尚潮流品味。
成功登記預訂後，客戶可於指定日子# 親臨指定 csl 專門店以 Tap & Go 「拍住賞」繳付按金$300及選擇手機型號， 即享額外1,000 Club 積分及Nothing ear(1) 耳機乙件。
*csl 為香港流動通訊網絡商獨家經銷Nothing phone (1) 。
^Tap & Go「拍住賞」現有客戶及新客戶分別指已經登記用拍住賞付款服務（「拍住賞」）領取由香港政府提供的2022消費券計劃（第一階段）並成功登記由政府提供的2022年（第二階段）消費券計劃；及首次選擇拍住賞作為指定儲值支付工具帳戶以領取消費券計劃下之消費券的新客戶。
Tap & Go 由 HKT Payment Limited(儲值支付工具牌照號碼：SVF0002) 營運，並受相關條款及細則約束。 #指定日子:2022年7月13日至7月17日。受條款及細則約束，詳情請瀏覽: https://bit.ly/3A2FVlu 。參考編號: 2022-17057。香港移動通訊有限公司–鰂魚涌太古坊電訊盈科中心十四樓。查詢/取消: 28882123 / WhatsApp https://bit.ly/3HM7Y」
其他消費劵電子錢包著數更多
一個 SMS 字數好少，估唔到 csl 一次過推咁大段 SMS 俾用戶 (要用上幾個 SMS Quota，成本唔少架) 。呢個世界任何優惠要睇淸楚「 * ^」條文，要讚嘅係，csl 今次寫得好淸楚，你要優先訂機，就要用繼續用或者由其他電子錢包過檔用 Tap&Go 收消費劵。想知道其他電子銀包有比 Tap&Go 有幾進取，由送 $500，抽獎送 Tesla 房車都有，我哋早前有文章，仲有 Clubhouse Podcast 節目，講解六個電子錢包，我哋認為有最強優惠係邊一個。大家可以 Click 呢度睇文，Click 呢度聽 Podcast。Nothing Phone (1) 係一部乜嘢嘅手機，可以 Click 呢度了解PS: 好采六月唔係出新 iPhone。