Agentic AI 係乜？點解咁重要？
以往我哋用 AI，多數係「你問佢答」，而且佢俾你嘅資料全部都係來自互聯網「公海」，答案比較大路。而 HKT 今次重點推廣嘅 Agentic AI 服務，核心精神就係 「Personal (個人化)」同「Local (本地化)」。透過你部 AI 電腦或者 AI 手機（例如 Samsung Galaxy S26 系列）內置嘅 NPU 強大算力，配搭本地大語言模型 (Local LLM)，你可以將自己極度私隱嘅資料——例如公司機密文件、客戶清單、屋企人時間表、甚至絕密名校試卷，全部放晒入去個 AI 度訓練。因為所有嘢都係喺 Local 處理，唔會上傳到公海，私隱度極高之餘，仲可以生成一個 100% 懂你、專屬你嘅超級助理！
▲ 香港電訊個人業務行政總裁林國誠：「過去一年，HKT 力谷 Perplexity 是令大家認識 AI 是什麼一回事，2026 透過 AgentiCare，令大家學習 Agentic AI 代理，就是讓 AI 學會『做事』。讓 AI 真正進入日常生活。」
實戰應用：三大超強「外掛」場景
HKT 喺現場示範咗幾個由 Agentic AI 驅動嘅實用場景，版主睇完都覺得好屈機，真係可以幫大家慳返唔少時間：場景一：地產經紀「開單神器」
做地產最頭痛就係對客。每個客要求都唔同：要向南、要有露台、要近名校網、仲要可以養狗。以往經紀要人手慢慢搵盤，依家只要將全公司嘅獨家盤、二手盤資料放晒入專屬 AI。個客一 WhatsApp 講低要求，AI 就會自動 Match 到最適合嘅 3 個筍盤，仲幫你 Draft 好篇對話，經紀撳個掣就可以 Forward 畀客，效率極速提升！
場景二：家長「最強神隊友」(ChatSchedule)
香港家長出名忙，幾個小朋友嘅補習班、課外活動，仲要記住帶咩運動衫、帶咩裝備，好容易甩漏。只要將學校通告、時間表放晒入 AI，佢就會幫你排靚個 Calendar，定時定候 Reminder 提你帶嘢。更勁嘅係，只要你 Upload 啲參考書或者 Past Paper 上去，AI 仲可以自動生成模擬試卷畀小朋友操練，出面搵補習老師都慳返！
場景三：旅行達人「自動 Plan 行程」
除咗返工返學，AI 仲可以兼任你嘅私人旅遊顧問。只要話畀佢聽你想幾時放假、想去邊，佢就可以根據你嘅個人喜好，幫你編排成個自助遊行程，甚至連搵平機票都可以搞得掂。
點先有得玩？三大條件缺一不可！
睇到呢度，大家最關心一定係：點先有得玩？HKT 就話，要享受呢個專屬 AI 服務，客戶需要滿足以下條件：1. 合資格嘅 AI 硬件： 你需要準備好具備強大算力嘅 AI 裝備，例如 AI PC 或者 AI 手機。
2. 極速且穩定嘅網絡： 要驅動 AI 無縫運作、Sync 資料，網絡極度重要。你需要配合 HKT 嘅 5G 網絡或者 2000M 極速光纖寬頻。（順帶一提，HKT 啱啱先喺 Opensignal 橫掃東亞地區 6 個網絡大滿貫獎項，網絡質素確係有保證。）
3. 專人一對一 Set Up： 只要你齊備硬件同網絡，HKT 嘅 Expert 團隊就會親自落場，一對一幫你 Tailor-made 搞掂成個 AI 環境。你想轉用 DeepSeek、Gemma 定其他 Model，師傅都會幫手裝妥。
版主小結：AI 終於落地入屋！
版主覺得，今次 HKT 推 AgentiCare 服務，最大意義係將 AI 由一項「新科技科技」，變成實實在在能夠解決生活痛點嘅「必需品」。無論你係大忙人、做家長定係跑數 Sales，有咗個私人 AI 助理幫手過濾同整理繁瑣資料，真係可以分身有術。如果大家本身都要換 AI 筆電或者旗艦手機，不妨諗諗夾埋網絡商嘅服務一齊出，隨時多個免費私人秘書！大家對呢啲專屬 AI 助理又有無興趣？留言同版主傾吓啦！