主題:網絡商限時免半年月費!$110 8GB 本地 + 2GB 內地數據 連一卡兩號

ePrice HK
  • 發表時間:2019-12-21 16:45 收錄檢舉
    好耐無乜點講網絡商 Plan,市場太靜,靜到一個點,連網絡商都無乜特別新嘢。不過,最近就留意到有個網絡商,推出咗限時優惠,免半年月費,平均 $110 就有 8GB 本地數據 + 2GB 內地及澳門數據,仲送埋一卡兩號,聽落好似都幾抵,想知詳情,睇下文啦!

    限時免半年月費!$110 8GB 本地 + 2GB 中國數據 連一卡兩號

    說的是中國聯通,最近推出咗限時優惠,由即日起至 2019 年 12 月 31 日,只要上台申請 ONE 家庭共享計劃,並成功啟動服務,就可以享有免半年月費的優惠。

    係咪一定要最貴個 Plan 先至有呢個優惠呢?版主向中國聯通方面了解過,答案係「唔係」。根據中國聯通表示,所有的 Family Plan 都有 6 個月月費送,並會係喺第 13 - 18 個月送畀用家。而現時聯通最平的 Family Plan 計劃,是 $388 包 4 張 SIM,有 12GB 本地數據 + 3GB 內地及澳門數據,免咗 6 個月月費之後,即係平均每人月費 $73 (連行政費),有 3GB 本地數據 + 750MB 內地及澳門數據。

    但版主認為更抵玩的,應該是 $718 Plan,包 5 張 SIM 的同時,有 Total 40GB 本地數據 + 10GB 內地及澳門數據,免咗 6 個月月費之後,即係平均每人月費 $110 (連行政費),就可以有 8GB 本地數據以及 2GB 內地及澳門數據可以用。睇返出名最平嘅 CMHK,你要送 2GB 大灣區數據,都要 Join $188 Plan 先至有,而家 $110 就有位位 2GB,算係 OK 平的。

    限時免半年月費!$110 8GB 本地 + 2GB 中國數據 連一卡兩號

    值得一提的是,中國聯通呢個 Plan,係 5 張卡都可以開一卡兩號,而且合約期內內地號碼費用可以豁免。你又覺得抵唔抵呢?留言討論下啦!
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁