特選客戶 $68 + $18 享 10GB 5G + 5Mbps 無限上網
當網友報料畀我聽嘅時候，有用 SoSIM 嘅版主亦都第一時間望下 SoSIM App 入面個信箱，睇下我有無收到相關嘅郵件，但好可惜，我係未收到嘅，咁我就只好借呢位網友嘅報料，去同大家分享。從網友發過嚟嘅圖片顯示，同樣係特選 SoSIM 客戶專享，限時優惠月費為 $68，簽約 24 個月，有 10GB 5G 數據，其後可以繼續以 5Mbps 速度無限上網，但要 $18 行政費，即係 Total 每月 $86。
咦，咁咪即係同香港寬頻之前個客戶價一樣？人哋 HKBN 就要你係現有客戶先 Join 到，而 SoSIM 就要你係 SoSIM 客戶先 Join 到，但後者好似簡單啲喎，SoSIM 成本 $33 啫嘛，但個 Plan 就要畀 $18 行政費。
無收到郵件 Join 唔 Join 得？版主實測 WhatsApp 問問
而根據郵件所講，只要特選 SoSIM 客戶憑 SoSIM 電話號碼，就可以 Join 到呢個 Plan，但我又無收到呢個郵件喎，咁我照 contact 佢，用我個 SoSIM 號碼畀佢，又可唔可以 Join 到呢個 Plan 呢？咁版主我都實測，Send 個 WhatsApp 問下啦，結果表示可以，但因為我無收到 SMS，佢哋要同公司申請返咁話喎。而後尾我哋都通過電話，我就表示先諗一諗再覆佢，而佢都補充最好喺 5 月 7 日之前覆，因為呢個 Plan 應該去到 5 月 7 日差唔多完。