3HK SoSIM 再推新 Plan！每月加 $10 送 2 日亞太區漫遊數據

左定坤 (Cho Ting Kwan) 2025-06-03 17:55 | 3 香港

最近留意到身邊愈來愈多朋友都去哂旅行，有部份係去日本，唔知係唔係貪佢話可能地震，機票平，亦有唔少人選擇去韓國，但無論係去日本定韓國，都係圍繞住亞太區。可能見近期有好多人都去旅行，3HK SoSIM 就推出咗新 Plan，只需每月加 $10 就送 2 日亞太區漫遊數據，適合平時間唔中會去旅行嘅網友。想知詳情，睇下文啦！

每月 $10 有 2 日亞太區數據

3HK SoSIM 推出咗一個 30 日 / 香港-亞太穿梭組合 Plan，月費為 $55，除咗包 60 日 FUP 本地數據、5000 本地通話分鐘、4.5G 加速神器日費通行證優惠券 x 2、YouTube 數據日費通行證優惠券 x 2 以及 30 日防騙王服務，而且仲包 2 張亞太區 1 日外遊數據通行證，適合平時間唔中會去旅行嘅用家。

原有 $45 Plan 亦都仍然有保留，除咗無送 2 張亞太區 1 日外遊數據通行證，其他都基本一樣，變相平均每張亞太區通行證只係 $5，你又覺得係唔係抵玩，值唔值得畀多呢 $10 呢？留言討論下啦！