SmarTone 推「一機多號」 Apps! $35/月用 IP Call 無限打電話!
係介紹秘技之前首先要同大家介紹 SmarTone 的一個新 Apps 「一機多號」,其實佢就係一個 IP Call 服務。只要安裝 Apps 之後登記電話號碼,就可以用 Apps 開通最多 4 個副線號碼,而副線號碼可以隨機由選,亦可以由現有使用中的號碼轉台過去(冇錯,用呢個服務,副號碼係轉入數碼通的)。同飛線唔同既係,可以係一部手機分別用唔同既號碼去撥號/接聽,就同用了多卡手機一樣。呢個服務採用「日費式」收費,每個號碼每日收費 $5 ,每個月上限收費是 $35 ,換句話說開通 4 個號碼用足一個月就係 $140 ,版主知道買 4 張純通話的儲值卡唔使呢個價,不過一部機搞掂是換來不少方便的。呢個服務並唔限 SmarTone 用家去安裝,版主是其他台的用戶都用得到,只要在他們的 Google Play Store 或者 Apps Store 下載應用程式就用到,但非 SmarTone 用戶先要用信用卡預繳 $48 先開通,而開通的帳號是跟主卡(也就是手機中的 SIM 卡)號碼,會好似 Whatsapp 咁用 SMS 短訊確認。
聽落呢個 Apps 可以一機用到最多 5 個號碼,亦有無限分鐘可以打,不過用呢個 Apps 有幾點要留意,一不小心真係會中伏,版主都用點列式比大家清楚少少:
1.IP Call需要用 Data! SmarTone 用家小心爆分鐘
如果係用其非 SmarTone 的網友;如果用呢個服務係用 IP Call 既方式,所以是需要用到數據的,版主試過用 2G 上網完全是不能通話,所以上網接受會影響通話質素,但沒有限制可以打幾多分鐘,變相多了個無限通話(有幾多人需要呢?);不過本身用緊 SmarTone 的網友,就算沒有上網都可以用到呢個服務,是用普通電話 Call 來做的,通話分鐘亦會在月費中扣除,有一點點不同,所以要小心爆分鐘啊2. IDD 需額外收費!不過「非 SmarTone」客戶漫遊 IP Call 有 Data 就任打
無論係咪 SmarTone 既用家,呢個服務如果打 IDD 是額外收費的(就算不是 SmarTone 用家都係,不要以為 IP Call 就可以任打 IDD);不過漫遊的時侯, SmarTone 用家打漫遊電話是扣除月費/額外收費;而其他台用家因為是 IP Call 所以只要有數據就可以任打3. 同台無限 SMS ,發短訊又抵唔抵?
係「一機多號」 Apps 入面,用副號碼去發短訊比 SmarTone 用戶是免費的。雖然而家應該冇乜人用 SMS ,但都是一個不錯的付加功能吧。要留意的是副號發 SMS 去非 SmarTone 用家每個當「網外」短訊,每個收 $0.5 ,而國際短訊收費每個是 $2。4.每日「自動收費」!過左 12 點又比 $5
提提大家,每個號碼每日過左凌晨 12 點正就會自動收 $5 ,就算你果日唔再用呢個號碼撥號/接聽都照樣收錢,唔想收錢就記得係 12 點前 Delete 左個號碼佢,唔係就會自動扣錢啦5.餘額有得退!用唔晒記得退錢!
如果你唔係 SmarTone 的用家,你開啟服務要先入 $48 的預繳再慢慢扣,但如果你唔再用呢個服務的話,記得去數碼通門市申請退錢手續啊!6. 「一機多號」副線號碼打唔通「緊急電話)
一機多號既副線係打唔通 999 、112 呢兩個緊急電話…想報警打 999 都係用番主 SIM 啦。放心,你唔放入 SIM 卡係開啟唔到服務,所以你唔會冇 SIM 卡打緊急電話▲因為版主不是 SmarTone 用家,所以要先係信用卡比 $48 預繳,如果要轉其他台的號碼過去,需要到門市處理
▲收到電話的時侯除左有來電顯示之外,亦知道係邊個主線/副線號碼收到 Call ,比起飛線更加方便,而雙卡機亦唔可以做到 5 個號碼啊!