新 5GHz 頻譜啟用!數碼通即日開通 LAA 技術,全港得呢部機用到

Keith Yim | 數碼通
版主 Keith 跟版主阿坤都分享過唔少香港 5G 網絡嘅安排。係 5G 未用得到,今年其實仲有新頻譜供網絡商使用,就係 5GHz 未授權頻譜,網絡商可透過載波聚合 Carrier Aggregation (CA) 把授權頻譜及未授權頻譜結合給大家使用,而數碼通是香港首個用此技術 LAA 開通服務的網絡商。

smartone-fb.jpg

之前版主阿坤分享過香港通訊辦 OFCA 係今年 2 月至 3 月期間,已經就使用 5GHz 頻段提供公共流動服務完成跟 4G 網絡商協調,並同意 5GHz 共用頻帶內全數 580MHz 頻譜,將可在不受保護和不經協調的情況下用於公共流動服務上。

5GHz 其實本來是用於 Wi-Fi 網絡,是不用申請牌照都可以發放訊號。而透過 4G LTE 裡 嘅 Licensed Assisted Access,簡稱 LAA 技術,4G LTE 網絡商便可以在不干擾 WiFi 網絡情況,把 5GHz 頻譜加入 4G LTE 網絡,透過載波聚合 Carrier Aggregation (CA) 技術,令手機用家,可一次過收多個 4G LTE 及 5GHz 頻段,在增加網速嘅同時,亦增加網絡容量。

今次數碼通是首個採用 LAA 技術網絡商,令佢地網絡速度,最高達 1GHz!咁用家用乜手機可以收到 LAA 技術下嘅訊號與上網感覺會係點呢?版主 Keith 問過數碼通有關方面,

現時香港版本嘅 Sony Xperia XZ2 Premium 已支援 LAA 技術,用家不用多付月費,只要去到相關有覆蓋嘅地點,便可以享受到當中的網絡。

LAA 網絡雖然沿自 Wi-Fi 頻譜,但用家不用開啟 Wi-Fi, 網絡及手機會自動分配訊號。據知,LAA 網絡,有點似早期嘅 5G 服務,透過小型基站,以密集及短程方式,提升網絡質素,這裡講嘅網絡質素,是擴大容量,令繁忙時間可容納更多人上網,多於個別用家上網速度嘅提升。

數碼通公告已經在中環、銅鑼灣、尖沙咀、旺角及沙田等繁忙地區的多個熱點完成安裝 LAA 小型基站,並將會繼續擴展到更多地點,目的是希望人多時,大家也可以應付不同上網嘅需求。

根據版主所知,使用 Qualcomm 高階處理器手機,如 S845 都有機會支援 LAA,若大家真心想有一部收訊比較好嘅手機,用高檔 CPU 型號是必然嘅選擇了。

XperiaXZ2Premium_camerafingerprint_chromesilver_trim.jpg
廣告