主題:數碼通 ValueGB 年卡加入 MNP!最平 $70 起 萬能卡以外好選擇?

ePrice HK
  • 發表時間:2021-08-17 20:36 收錄檢舉
    相信有唔少人都會選擇用年卡,而每個人用年卡嘅目的都唔同,好似版主我咁,因為本身仲有另一個號碼係 CMHK 嘅無限數據 Plan,所以主號碼其實唔用數據都得,所以我就將主號碼 MNP 攜號轉台去 Lucky SIM 最平個年卡 Plan,當係養號碼,然後放落一卡兩號嘅手機,同無限數據 Plan 一齊用。而有其他人就同我相反,會將年卡當成後備卡,因為一年畀一次錢又都算好多數據,計返都係抵玩。一直以嚟,有得 MNP 嘅年卡主要有 3HK 萬能卡、Lucky SIM、鴨聊佳,最近終於連數碼通 ValueGB 年卡,都有得 MNP,最平 $70 起又用唔用得過呢?

    數碼通 ValueGB 年卡加入 MNP!最平 $70 起 萬能卡以外好選擇?-0

    咁多年一直以嚟都無得 MNP 攜號轉台嘅數碼通 ValueGB 年卡,最近終於都有得 MNP 喇!呢個消息對於想平用數碼通網絡,又想帶埋號碼過去嘅人嚟講,呢個消息都算係一個好消息,起碼叫做多個選擇!

    不過,有一個重要嘅點,大家一定要注意,就係呢張 ValueGB 儲值卡,暫時只係接受所有儲值卡卡款轉台,包括數碼通自己儲值卡 (外傭卡唔包),而如果你係上台客戶,就暫時唔接受轉台,所以如果你想轉去 ValueGB?你要先 MNP 咗去儲值卡先,例如 3HK 萬能卡,然後再等半個月至一個月左右過冷河,之後轉去 ValueGB 儲值卡,呢點可能會麻煩咗。或者嫌麻煩嘅,大家都可以等下嘅,我估計只係程序上問題,過多一排就可以上台卡上台,好似 So SIM 咁。

    至於 ValueGB 現時有乜嘢年卡選擇呢?包括有:
     
    組合 價錢
    5GB + 2000 分鐘 $70
    40GB + 2000 分鐘 $120
    70GB + 2000 分鐘 $160
    100GB + 3000 分鐘 $200

    咁數碼通 ValueGB 係咪 3HK 萬能卡以外嘅好選擇呢?只能講,每個網絡商都有各自嘅 Fans,或者都要視乎你所在嘅地區,有啲地區呢個台收得好啲,有啲地區呢個台收得無咁好,所以好睇你平時用慣乜嘢網絡商。而如果對比 3HK 萬能卡同埋鴨聊佳嘅價錢,下面兩幅圖都可以畀大家參考一下嘅:

    數碼通 ValueGB 年卡加入 MNP!最平 $70 起 萬能卡以外好選擇?-1


    數碼通 ValueGB 年卡加入 MNP!最平 $70 起 萬能卡以外好選擇?-2

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁