主題:數碼通新招! 申請 5G 寬頻,快過落街買 SIM 卡!10 分鐘送貨 即上網

ePrice HK
  • 發表時間:2021-09-14 22:01 收錄檢舉
    我成日同人講,突然間上唔到網?唔駛驚,落樓下 7-11 或者 OK 便利店,買張儲值 SIM 咪得囉!數碼通仲勁。佢哋全新包裝 5G 家居寬頻,變咗私人寬頻;都唔夠爆,最爆係佢哋推出突快申請服務。5G 寬頻都要有 5G Router,最快  10  分鐘,連埋 SIM 卡送去你屋企!點可以咁勁?

    數碼通新招! 申請 5G 寬頻快過落街買 SIM 卡-0

    SmarTone 將 5G 服務變為家居寬頻,原來已有一年啦!大家可以 Click 呢度睇番一年前嘅 review,我記得當時我都係大讚呢個服務。一年後,除咗 SmarTone,3 香港、CMHK 都有類似嘅服務。所以 SmarTone 都要做多啲宣傳,最新揾咗 BB 界網絡紅人Lucy(李元元,即係李燦森嗰囡)飾演外星人拍廣告,Sell 嘅係,就算屋企有 WiFi,都可以裝多一個 5G 寬頻畀自已用,因為 SmarTone 早前進行的一項的網上調查顯示, 超過一半受訪用戶認為,現正使用的固網家居寬頻服務有進步空間。七成受訪固網寬頻用戶認為,家中同時使用多個裝置共用寬頻時,會影響上網速度,所以就算本來有固網家居寬頻服務,都可以裝多一套 5G 私人寬頻。

    更誇張係,SmarTone 跟 Foodpanda 合作。Foodpanda 唔止係叫餐 App,佢哋旗下都有一個類似 HKTVmall 嘅 Foodpanda mall,之後就可以係 Foodpanda mall 上面申請 SmarTone Home 5G 寬頻服務,當中嘅 Router,更最快 10 分鐘送達,之後駁電上網,Done。


    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁