樂1、樂 1Pro 外表接近一樣？要分靠機背
首先同大家講下同係 5.5 吋屏幕既樂視手機 1 與樂視手機 1 Pro ，其實兩部手機都強調係窄邊框，同埋屏幕大小一樣，除左規格之外要點分呢？其實好簡單，樂視手機1 Pro 是採用全金屬機身，所以連機背都係金屬，所以就要好似 HTC One 、iPhone 咁樣留低黑邊作為天線之用，而樂 1 是採用塑膠機背，除左減低成本之外亦在重量方面有所幫助。唔少網友都話「樂視超級手機」好似 HTC 的設計，版主倒是覺得有少少似 BlackBerry 的 Z10 ，不過如果仔細去睇既話 1.2mm 的邊框實在窄得太多，是造工方面的一個大進步啊！而兩邊的邊框是直身設計，上手的感覺與 HTC One M8 、HTC One M9 的弧形設計有所不同，而兩部機在處理器、前鏡頭、屏幕方面亦有所不同，價錢只賣 $1,499 人民幣（約 $1,870 港幣）的樂 1 採用了 FHD 解像度 5.5吋屏幕、Hilio X10 2.2GHz 八核處理器配 3GB RAM ，而高階賣 $2,499 人民幣（約 $3,100 港幣）的 樂 1Pro 採用了 2K 解像度 5.5 吋屏幕配 Qualcomm S810 2.0GHz 八核配 4GB RAM ，前鏡頭亦轉了用 400 萬像素的 Ultra Pixel，大家又點揀呢？
要留意一下，雖然呢幾部機的樂視 UI 中間有個圓形，不過佢並唔係 Apps Drawer ，而係直接跳入 TV Live 介面睇電視，而介面設計都係相當似 iOS 的。雖然佢地話係自己打造介面，不過整個 EUI 都是基於 Android 5.0 的，所以大家也不用擔心相容性的問題。
▲正面看，是不是很有 BlackBerry Z10 的影子呢
，不過邊框窄太多了
▲樂1 的機背是塑膠，便宜總是要低一點的成本
▲機頂有 3.5mm 耳機孔，而機底有 USB-C 插口，要用專用的線材啊！
▲即使是賣 $1,499 人仔的樂 1 也是採用了金屬邊框，質感相當不錯
▲除了手機之外，樂視今日亦推出了這款 VR 虛擬實境裝置
▲這樣看，大家覺得邊框有窄嗎？
樂 Max 金屬手感不錯！超強規格無人能敵？
雖然未公佈定價，但應該有唔少網友都係度期等緊樂視超級手機 Max 呢部機！叫得做 Max 佢除左大部之外，樣樣野都去到好「盡」！佢採用 6.33 吋的 2560 x 1440 解像度屏幕、Qualcomm S810 2.0GHz 八核配合 4GB RAM ，內置 64GB 容量，相機是新一代的 Sony 2100萬像素主鏡頭配合 UltraPixel 前鏡頭，加上有 3400mAh 大電池，支援到 Cat.9 制式的 4G LTE ，今年旗艦入面有冇機可以同佢鬥到？真係一個未知之數，但希望不會太貴吧！版主都上手玩過呢部機，首個感覺就真係好「大」！畢竟係 6.3 吋大屏幕既手機，雖然話邊框做到 0.8mm 係好窄，屏佔比有 80% 以上也是驚人的數字，但係要單手操作都有一定難度，呢部機用左金屬材質去做，設計方面就係比較大既大部樂視手機 1 Pro 了，同樣也有 USB3.0 在機底和 3.5mm 耳機孔在機頂，另外它在機背有一個指紋感應器，用食指去按的話也不算太困難，位置設計得幾好的。樂視手機說它是「全球顏值第一」的靚仔設計，唔知大家又同唔同意呢？
▲這就是樂視超級手機 Max ，大家可以見到邊框相當窄（不過有下巴）
▲6.33 吋的屏幕顏色算幾鮮豔，可視角度亦算不錯
▲21MP 相機有不同的拍攝模式，當然也有 HDR 、定時自拍等功能
▲機背有指紋感應器，亦可以見到留有「黑邊」作天線
▲機底的是 USB-C 格式，需要專用的插口
▲跟 iPhone 6 比一下，明顯大部好多，不過有些介面還是很相似，是因為巧合嗎？
樂視手機發佈會相關文章：
最平價，最高效能! Letv 樂視超級手機三子 比跑分、拼介面人仔 $1,499 LeTV 樂視手機上手玩！樂 Max 全金屬手感鬥 iPhone
Letv 樂視發佈旗下超級手機專用介面 EUI Mobile
2K芒、S810、4GB RAM、21MP 規格王！LeTV 手機登場 $1,499 人仔有交易
在文章發佈的時侯，樂視手機 1 仍未公佈在香港的定價與開賣日期，按此看詳細規格和最新賣價。
在文章發佈的時侯，樂視手機 1 Pro 仍未公佈在香港的定價與開賣日期，按此看詳細規格和最新賣價。
在文章發佈的時侯，樂視手機 Max 仍未公佈在香港的定價與開賣日期，按此看詳細規格和最新賣價。