Google 其實有個 History 嘅功能，呢個功能 Google 好少宣傳，所以未必咁多人知道呢個功能。咁當中有一個項目叫做語音和音訊活動，只要你按入去，然後喺右上角選擇番你自己嘅帳戶，咁你就可以 Check 到你嘅錄音。例如版主今日晏晝兩點幾嘅時候，用 OK Google 問 「Where am I?」，咁 OK Google 就即刻幫我解決我嘅疑難啦! 但與此同時，你嘅問題以及錄音就會被記錄左 Google 嘅 Server 內。
▲ 喺右上角你可以自行選擇你想查詢嘅帳戶。
▲ 然後你會見到你嘅語音和音訊活動嘅記錄。你可以見到 Google 已經自動記錄低我今日下午 2:22 向 OK Google 問「Where am I」，按「播放」嘅話你可以聽到你嘅聲音。
▲ 咁如果你想刪除你嘅記錄呢，咁你就可以按旁邊嘅白色方格，按完之後你可以見到上方會出現「刪除」嘅選擇。
如果你想暫停語音及音訊活動記錄呢，喺「體驗更豐富的 Google 功能」下方會有「開始使用」嘅連結，按進去的話你會見到「你的語音搜尋及指令記錄」，你可以將佢關閉，咁你嘅錄音就唔會被儲存落你個帳號入面。不過只係滿足你「眼唔見為淨」嘅心態，實際上並無辦法阻止你嘅錄音儲存到 Google 嘅 server 入面，而 Google 聲稱，記錄你嘅聲音目的係協助佢地識別你嘅聲音以及提升語音識別效能咁話喎! 唔知你又點睇呢?
▲ 按「開始使用」。
▲ 見到「您的語音搜尋及指令記錄」已經開啟左，Google 話儲存去您嘅帳戶目的係協助佢地識別您嘅聲音同埋提升語音識別效能。
▲ 你可以暫停語喑及音訊記錄，但 Google 亦明言，「這項設定不會影響部分其他 Google 產品 (如「語音) 對資訊的儲存。Google 亦可能會以匿名的方式繼續收集和儲存音訊資料」，即係話其實你開左定唔開都唔會影響到佢收集你嘅資料，你將佢「暫停」只係純粹你自己睇唔到啲記錄，「眼不見為淨」。
除左語音及音訊活動記錄之外，你去過咩野地方其實都一樣有記錄，而且有得自己睇番添! 雖然話就話呢項設定不嬲都有，但唔能夠保証會唔會有一日造成私隱洩露嘅問題。你能唔能夠接受 Google 係唔係都將你嘅資料記錄呢? 留言講下你嘅意見啦!
來源：the Guardian