神秘新機上手!真‧型爆發光手機,網友估下係乜機?

左定坤 (Cho Ting Kwan) | 網絡消息
乜嘢係型?有網友覺得,Sony Xperia XZ Premium 果種玻璃機背就叫型。版主都覺得係架,但我覺得今日上手的神秘新機更特別。呢部新機,最特別的地方係,佢識得發光,真係從來未諗過一部手機,係可以玩到咁嘅款。我相信,如果你拎住呢部手機出街,一定會吸引到唔少型男美女凝視住你。版主唔好咁誇張得唔得?有無誇張,自己入黎睇下啦!

A5(Facebook).jpg

可以見到,版主手上的就係剛才所講嘅神秘新機,就咁睇好似睇唔出到底有啲乜嘢魅力。不過版主想講的係,呢部手機 sell 嘅唔係 specs,而係設計。點設計法呀版主?佢機背係可以發光,市面上你幾時會見到一部手機,個機背係可以發光?至於幾時會發光,當你收到通知、聽歌、打機等等,佢就會發光。值得一提的是,通知提示會根據不同的 App 而作出改變,例如你有 Facebook 的通知,佢就會寫住「F」字,如果有 Messenger 的通知,就會有個 M 字,呢個咁嘅設計,真係非常特別。你又估唔估到,呢部係乜嘢手機呢?版主先賣個關子,呢兩日內會同大家揭曉!

18870409_445268062498672_410471635_o.jpg
▲ 版主手頭上呢部發哂光嘅手機,到底係乜黎架呢?成日咁着住,又會唔會好食電呢?咁其實佢有一個 Light Show 的應用程式,你可以自己 set 番,手機開鎖之後着燈的時間,咁就可以避免出現過度食電的情況。


▲ 以上係亮屏以及播歌的示範。


▲ 以上則是通知時的示範,因為通知來源是 Messenger,所以佢會出現一個「M」字,如果係 Facebook,就會出現「F」字,同樣地,如果係 Email,就會出現「E」字。
 
廣告