主題:連玩 30 小時不是夢! 詳測 Ulefone Power 5 尿袋電話

  • 發表時間:2018-06-02 10:08 收錄檢舉
    上次版主坤哥同大家分享過一部 6000mAh 電的手機,當時本 YK 都玩過真機,覺得造工一般,而且電量六千玩盡全日又唔多夠。今次 Ulefone 新出「真核武級」手機 Power 5, 號稱擁有 13000mAh 內置電池,續航力完美壓倒各路英雄,最吸引之處係 Power 5 可以作為移動電源為其他手機充電! 本 YK 試過睇片睇足 10 小時都仲有大把電,非常適合需要成日上網、掃 Facebook、睇片、甚至 WiFi 蛋的網友。廢話少講,立刻去文!

    連玩 30 小時不是夢! 詳測 Ulefone Power 5 尿袋電話

    開箱:佛心廠家配件齊全
    早幾日版主坤哥都爆料比大家聽,有嗮開賣日期同售價料。我手上的 Power 5 係歐版黎,外國賣價 280-299 美金,折合港幣都超過 2200 元,加三百有行貨代理做保養,從「免麻煩」的角度考慮都算值得。

    連玩 30 小時不是夢! 詳測 Ulefone Power 5 尿袋電話
    ▲ 箱來了~ Power 5 呢個名,聽落持久力似乎同我有得比!

    連玩 30 小時不是夢! 詳測 Ulefone Power 5 尿袋電話
    ▲ 部機主要賣點一目了然。吸引我注意係 6GB RAM、內置 13000mAh 電量、兩千萬 + 500萬像素 DUAL 鏡頭、以及 Android 8.1 系統(好多廠都未比到出黎!)。

    連玩 30 小時不是夢! 詳測 Ulefone Power 5 尿袋電話
    ▲ 佛心配件一覽, 除了說明書和保養卡,還有 type-C OTG 線、type-C 轉 3.5mm 線、micro-usb 轉 type-C 頭,type-C 數據充電線、芒貼一張。

    連玩 30 小時不是夢! 詳測 Ulefone Power 5 尿袋電話
    ▲ 初時我懷疑 13000mAh 電量的手機,究竟要充電幾耐先滿,Power 5 跟機有 5V / 5A 高電量快充,圖中是歐規火牛,向官方查詢得知香港版會跟英規三角火牛。

    連玩 30 小時不是夢! 詳測 Ulefone Power 5 尿袋電話
    ▲ 睇漏眼,佢仲送一個軟膠手機套,一直套在手機上我都唔知道。


    外觀:型、霸氣、重、實淨
    本 YK 比過幾個朋友睇呢部機,個個上手第一句都係:「哇,呢部係電話?好大舊啊!」 Power 5 機身體積 169.4mm x 80.2mm x 15.8mm,重量達到 330g,但其實呢個重量對比你帶尿袋 223g + 電話 165g = 388g 差唔多,但帶少一舊絕對係「得多於失」。

    連玩 30 小時不是夢! 詳測 Ulefone Power 5 尿袋電話
    ▲ 六吋全高清 18:9 屏幕,色水自然,而且得益於大電設計,亮度開到盡都唔怕耗電。

    連玩 30 小時不是夢! 詳測 Ulefone Power 5 尿袋電話
    ▲ 新機本身已經幫你貼埋芒貼,前鏡頭 800 +500 萬像素,隔離有埋自拍燈。

    連玩 30 小時不是夢! 詳測 Ulefone Power 5 尿袋電話
    ▲ 虛擬三天王設計,可以設定右邊返回鍵,以及打開隱藏天王功能。

    連玩 30 小時不是夢! 詳測 Ulefone Power 5 尿袋電話
    ▲ 機身邊框金屬質料:右側有音量鍵 + 電源鍵;然後是指紋識別,識別準確率和速度都不錯,支持長按 + 短按觸控等自定義操作(如 Tap Back);下方有一個快門鍵,短按打開相機,長按打開錄音機。

    連玩 30 小時不是夢! 詳測 Ulefone Power 5 尿袋電話
    ▲ 機身左邊是三選二卡槽,但官方寫只支持 4G+2G 模式,而 4G FDD LTE 支持 B1/3/7/8/20 頻段。

    連玩 30 小時不是夢! 詳測 Ulefone Power 5 尿袋電話
    ▲ Power 5 機身底部只有一個 type-C 接口,數據傳輸、充電、聽歌都係佢,要向 3.5mm 說永別~ 底部係超級大聲的喇叭,竟然大聲過 HTC 12+;官方指用上高級解碼 QW8736 晶片及高質喇叭,但音質就。。。佢無拆聲我已經收貨了。

    連玩 30 小時不是夢! 詳測 Ulefone Power 5 尿袋電話
    ▲ 雙鏡頭設計,一個 2100 萬像素、副鏡頭 500 萬像素,採用 Sony IMX230 f/1.8 大光圈 O.I.S. 加持,賬面規格非常威威。

    連玩 30 小時不是夢! 詳測 Ulefone Power 5 尿袋電話
    ▲ 機身厚度都非常威威,半個五蚊厚,螺絲位見到嗮,非常粗曠的設計。

    連玩 30 小時不是夢! 詳測 Ulefone Power 5 尿袋電話
    ▲ 呢個背部設計,唔少朋友都話好型,好似蝙蝠俠手機咁。 題外話,呢部機唔係三防機黎,雖然揸上手 Power 5 係我玩過最堅固質感的手機之一,但佢其實係無生活防水、無防爆功能,只係望落比較粗曠咋~

    連玩 30 小時不是夢! 詳測 Ulefone Power 5 尿袋電話
    ▲ 揸上手比想像中厚實,重量還可以,但長時間單手操作會出現明顯的壓力。

    連玩 30 小時不是夢! 詳測 Ulefone Power 5 尿袋電話
    ▲ 指紋識別器放在側面,機身厚度並不妨礙左手解鎖。我建議雙手揸部機黎玩比較可取,平衡重量和分散負擔。


    小插曲:無線充電板
    本 YK 估唔到 Power 5 夠膽支持無線充電,認真嚇人。皆因 Wireless 先天充電速度慢的缺點,再要充 13000mAh 肯肯定慢到喊。可惜佢係 micro-usb 接口,而且要另外購買,標價 19 美金,是否值得買就見仁見智喇~

    連玩 30 小時不是夢! 詳測 Ulefone Power 5 尿袋電話
    連玩 30 小時不是夢! 詳測 Ulefone Power 5 尿袋電話
    連玩 30 小時不是夢! 詳測 Ulefone Power 5 尿袋電話
    ▲ 號稱輸出 10W,但要充電快肯定係有線充電。


    性能測試:中階效能、打機免問
    Power 5 採用 8 核心 MTK Helio P23 方案,配合 6GB RAM 和 64GB ROM,記憶卡支持最高 256GB,運行 Android 8.1 Oreo,這個令我非常驚喜,非常順滑爽快。就咁睇效能其實同上一部 Power 3 相若,但本 YK 循例都測試一下性能如何。

    連玩 30 小時不是夢! 詳測 Ulefone Power 5 尿袋電話
    ▲ 安兔兔跑分獲 83045 分算係意料之中,打機就免問買旗艦處理器啦!

    連玩 30 小時不是夢! 詳測 Ulefone Power 5 尿袋電話
    ▲ Basemark ES 2.0 Taiji 圖像性能測試獲得 51fps,大 Game 就玩唔起,小遊戲就完全無問題。

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ 詳細比你睇 MTK P23 同旗艦機的性能差距,根據我的使用體驗,呢部機玩唔順 PUBG MOBILE,我 tune 到去低畫質 + 中級 FPS 都係唔多順,話玩得順都係呃你咋!


    重頭戲:核電霸王誕生
    一部 13000mAh 電話,到底可以玩足幾耐先無電呢? 以下本 YK 為 Ulefone Power 5 進行放電及充電測試,呢個過程係非常痛苦,介意我等部機好耐都唔能夠搞佢,唔小心 Touch 到個芒又要充滿電再重新黎過,我最後索性放入櫃桶,隔兩日再放佢出黎睇睇。

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ 從 100% 到 0%,利用 Geekbench Battery 測試,全程保持 70% - 80% 處理器運算效能,結果係 17279 分。

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ 究竟如何理解 17279 分?等於你叫你個仔做補充練習,佢用八成腦力黎應付,可以連續做足 37.5 小時補充練習先訓低入廠,而其他小朋友 10 個鐘唔到就已經訓低入廠。你個仔,呃唔係,Power 5 憑著 3-4 倍以上的續航時間完勝一眾旗艦。 最慘係我已經盡力返工、午飯、收工、床上係咁上網、睇片、睇新聞,但訓前舊電竟然仲有 6X%,放過我好嗎?

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ 續航力長,咁充電時間點呢? 雖然火牛係 5V/5A,但我觀察電流經過都係介乎 1 至 2A 之間浮動,佢用足 5A 我反而驚;充電速度從早上10 點 25 分開始,一路殺到下午 5 點半,已經上到 91%,6 點我再望的時候已經滿嗮電!長達 7 個半小時的充電時間,其實你平時訓一晚就充好嗮。

    連玩 30 小時不是夢! 詳測 Ulefone Power 5 尿袋電話
    ▲ 題外話,以前成日鬧 MTK 信號差,但 Power 5 採用的 Helio P23,我用一個星期都未發現任何斷流和異常速度、上圖為 5GHz WiFi 用 100Mb 線路的速度。


    附加測試:相機又如何呢?
    本身無打算做相機測試,兩千零蚊貨仔的 Power 5 你唔會預期有好相機。但某網友 PM 我說很想加入對比測試,咁我唯有幫手做一個簡單測試,請來本 YK 的副機某 Android One 黎客串下。但 Power 5 用 IMX230 兩千萬像素級別感光元件配大光圈,某 Android One 按道理係會被秒殺。注意:左方(上方)Power 5;右方(下方)某 Android One。

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ Power 5 面對光差曝光更準確,得益於兩千萬像素,線條亦明顯清晰和自然。

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ 室內光源偏暗,兩機均因手震而出現模糊,注意圖中央 V2 Gundam 價錢牌和「笨大」標誌,Power 5 得益於 O.I.S. 光學呈現出較細的震動幅度,而感光元件的優勢令你看到「 $315.00」;Power 5 色溫準確,對手偵測環境色溫偏冷,畫面偏青、偏黃。

    連玩 30 小時不是夢! 詳測 Ulefone Power 5 尿袋電話連玩 30 小時不是夢! 詳測 Ulefone Power 5 尿袋電話
    ▲ Power 5 除了較對手色準外,放大看到 Power 5 細膩度呈現更佳,反觀對手令圖中的油畫更油畫。


    總結:多功能副機之選
    Ulefone Power 5 強大的續航力是必然的賣點,但除此之外,優良的外殼造工亦遠超越上代 Power 3 的廉價塑膠機質感。用上 IMX230 高像素感光元件,配合 f/1.8 大光圈提供可靠的拍攝表現。令我意外係喇叭表現,大聲到嚇死人,以及難得有 Android 8.1 Oreo(安全更新 2018 年 4 月 5 日)。比較可惜係缺少 NFC 及生活防水 / 軍規級認證,但兩千五呢個價錢,你都無得點樣再要求,本 YK 就完全收嗮貨。如果你需要一部副機支持長時間放 WiFi 及移動電源功能,Power 5 可以講係你目前最好的選擇之一。

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2018-06-07 09:24 檢舉
    5V, 電流介乎 1 至 2A 之間
    即係冇快叉, 唔係化...
    02樓 ▲TOP 回列表頁