主題:中資蘇寧網店系統出錯 一折賣貨!一夜或損失數十萬

  • 發表時間:2019-05-07 12:35 收錄檢舉
    網店出錯,本來唔係乜特別事,因為好多時啲資料都係人手入,一個唔小心撳錯隔離粒掣,呢啲意外真係在所難免。錯,唔緊要,最緊要認,願唔願意企出嚟承擔責任,做個找數真漢子,就反映出呢間公司誠信有幾高。早前 HTC 錯將手機三折賣,$1800 買到 U12+ 佢哋都肯出貨,蘇寧昨凌晨錯將貨品變一折,網友發現洗劫網店,又肯唔肯出貨,做找數真漢子呢?睇下文啦!

    中資蘇寧網店系統出錯 一折賣貨!一夜或損失數十萬

    昨日凌晨一點,蘇寧網店出事,誤將貨品價格變成一折出招,事件維持了約一小時。而有網民發現到之後,就在討論區熱烈討論,最終大家都相當擁躍地,掃咗好多貨。版主睇過,以蘇寧賣緊嘅大陸直營銷售貨品數量去估算,賣出過萬件相當有機會,而且當中的貨品仲包括耳機及 harddisk 等高價商品,今次的失誤有機會令蘇寧損失幾十萬之多。

    中資蘇寧網店系統出錯 一折賣貨!一夜或損失數十萬中資蘇寧網店系統出錯 一折賣貨!一夜或損失數十萬
    ▲ 以上圖片轉自 LIHKG 討論區

    中資蘇寧網店系統出錯 一折賣貨!一夜或損失數十萬
    ▲ 網店亦加入了聲明。

    損失咗咁多,你估蘇寧肯唔肯承擔責任,會唔會學 HTC 咁做找數真漢子,抑或縮沙走數呢?如果真係肯找數,當然就算係大陸公司,都要讚一讚下啦!但如果走數,成功買到貨嘅網友,又肯唔肯就咁放過佢呢?不過版主估計,蘇寧肯找數嘅機會好微,再唔係就學豐澤咁送 coupon 了事~ 你估結果會係點?有進一步消息版主會再同大家分享一下。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁