主題:二噁英襲港!網民製作「香港催淚彈地圖」立即用 保平安

ePrice HK
  • 發表時間:2019-11-16 19:20 收錄檢舉
    唔係嚇大家,當有去採訪示威新聞嘅記者,生了因為「二噁英」呢種化學物質引起嘅毒瘡;再有化學博士出晒 Post 拍晒 Video,講明呢排警方發射嘅催淚彈,係好大機會釋放出「二噁英」。「二噁英」係有幾毒,版主一陣再講。家陣想講,有有心嘅網民,利用 Google Map 製作咗「香港催淚彈地圖」,話俾你知香港有邊個地方曾放過催淚彈。老實一句,呢 D 地方,無乜特別,最好唔好去!大家記得 Bookmark 定,保平安,保身體健康呀!

    二噁英襲港!網民製作「香港催淚彈地圖」立即用 保平安

    版主只能講係手機+價格專家,我唔可以詳細話俾你知「二噁英」有幾毒,不過,根據香港大學化學系博士,前中文大學講師 Dr. K. Kwong(鄺士山博士),拍左條片,講咗最近催淚彈好可能會釋放「二噁英」,仲講埋「二噁英」有幾毒,催淚彈可以對大家嘅健康,有幾大影響,睇片就知有幾驚。

     

    ▲ Dr. K. Kwong 關於催淚彈與「二噁英」的分享。


    ▲ 立場新聞記者陳裕匡有關因為「二噁英」已生氯痤瘡的個人分享


    香港催淚彈地圖

    睇完,係咪好驚驚?有網民製作咗一個「香港催淚彈地圖」。簡單來講就係喺 Google Map 入面,Pin 咗曾經放過催淚彈 Tear Gas (TG) 嘅地區,去到 11 月 13 日二百零七個地點,曾經受過香港警方發射嘅催淚彈洗禮!根據呢份地圖嘅開發者嘅講法:「催淚煙的殘餘物質較空氣重,會沉降在地上,現場的土壤、椅子及牆身相信留下不少化學物質,料最少 5 日才會被稀釋。」。大家睇住呢個地圖,無乜事就唔好去咁快去放過 TG 嘅地方啦!

    「香港催淚彈地圖」包含埋發射日期。根據呢份地圖嘅開發者嘅講法:「催淚煙的殘餘物質較空氣重,會沉降在地上,現場的土壤、椅子及牆身相信留下不少化學物質,料最少 5 日才會被稀釋。」。大家睇住呢個地圖,無乜事就唔好去咁快去放過 TG 嘅地方啦!

    好人,一世平安。

    二噁英襲港!網民製作「香港催淚彈地圖」立即用 保平安
    ​▲「香港催淚彈地圖」會含埋發射日期。根據製作呢張地圖嘅網友計算,大家至少由發射日起,五日後,先可以去嗰區。

    按呢裡有「香港催淚彈地圖」連結

    立即加入Facebook 專頁,新聞/消息/優惠,最快知。

    01樓 ▲TOP 回列表頁