北上大容量 + 免實名年卡登場! LinkO 新品牌 70GB 用 365 日!  接通社交網絡 + Google AI

左定坤 (Cho Ting Kwan) 2026-04-24 19:19 | 網絡消息

最近市場出現咗北上年卡新選擇，新品牌叫 LinkO，呢批卡嘅對像，係成日要北上嘅香港人，提供長效期數據計畫。比起以前每次出發前都要周圍搵 SIM 卡，LinkO 嘅出現令到北上玩樂，甚至長時間居住，唔使再擔心冇足夠打通香港網絡嘅數據用。

五款新卡上場

呢個 LinkO 推出咗五款內地同澳門共用嘅數據套餐。呢幾款計畫提供嘅數據量由 15 GB 到 70 GB 都有，最吸引人嘅地方係有效期夠晒長，由半年（180 日）到一年（365 日）不等。價錢方面亦都好大眾化，原價好似比較貴，但唔少細舖都做緊特價，例如介紹俾版主呢間網店，呢批卡賣價由 $88 到 $308 都有交易，彈性非常大，無論你係間唔時返去探親，定係頻繁往返兩地做嘢都總有一款啱用。呢款數據卡最大嘅賣點係標榜免實名登記，對於注重個人隱私或者想即買即用嘅朋友嚟講簡直係福音。用戶去到中國內地之後，只要喺手機開咗 Roaming 漫遊功能就可以即刻連接網絡。

卡價 

15GB / 365 日 / $88
25GB / 180 日 / $138
25GB / 365 日 / $148
30GB  / 365 日 / $155
70GB / 365 日 / $308


▲ 新卡價錢 :  

CMHK 線路

技術方面，LinkO 係中國內地，會行中國移動嘅 5G 網絡，確保喺各大城市甚至係較偏遠地區都有穩定且高速嘅連線體驗。因為 LinkO  原生係 CMHK  香港嘅線路，所以就算身處內地，用戶依然可以好似喺香港咁，順暢無阻咁用到 WhatsApp 同 Facebook 呢類 Social Media 嚟保持聯絡，甚至連需接 Google Gemini AI 都一樣用到，無論係搵路定係翻譯都唔使擔心無 AI 用。


▲ 用完可增值的價錢。
 

想買嘅話，可以按呢度