全面擴展服務區域 同時提升質素
係討論之前，版主同大家分享一啲最新既資料先！今次香港寬頻收購 Y5ZONE ，唔只係收購公司既硬件部份，佢地更加請到 Y5ZONE 創辦人及行政總裁楊德華作為香港寬頻的常務董事，以佢咁多年來的經驗去推動
Wi-Fi 網絡既發展。佢地更加計畫斥資兩億去發展 Wi-Fi 網絡，希望在 12-18 個月內將現有 7,500 個 Wi-Fi 熱點擴展到 15,000 個！
除左覆蓋範圍之外， Wi-Fi 既質素都非常重要，所以香港寬頻打算全面將現有 Y5ZONE 的 802.11g 格式的 Wi-Fi 提升至最新的 802.11 n 格式，提升 Wi-Fi 的容量同性能，希望將「熱點」變成「熱區」，用家將會接收得更好。除此之外，他們的目標是將頻寬大大提升至 100Mbps 至 1000Mbps 的高速網絡，大大增加上網的流量和速度！
▲現時所有的麥當勞都有 Y5Zone 提供的 Wi-Fi 服務
順從民意加 Wi-Fi
希望做好覆蓋係好事，但佢地會係邊一啲地方鋪設 Wi-Fi 呢？原來唔只係由佢地決定，我地用家都可以幫手決定。香港寬頻於 1 月 18 日開始推出活動，大家只要上香港寬頻網站，就可以在 Google 地圖「篤」出收唔到 Y5Zone 既 Wi-Fi 死點，仲可以指出想喺邊間鋪頭加入 Wi-Fi 。 Y5Zone 創辨人楊德華先生都咁講：「我們會聽取市民的意見，了解他們認為最需要 Wi-Fi 服務的地點，以為市民的生活提供真正便利。」希望呢次真係順從民意啦！（版主第一時間加入了自己住的地方，還有經常去坐的咖啡室）
▲暫時地圖上還未算多人加入，可以過兩天那些手指就會密密麻麻的了
免費定收費？大家有乜睇法？
當然，有新服務係好事，不過大家最關注既當然係自己用唔用到，又需唔需要收費。關於呢個計劃既收費，新聞稿入面沒有提及，只是說希望香港大眾市民可以使用免費或低價的 Wi-Fi 服務。現時 Y5Zone 亦在麥當勞、咖啡室和大型商場提供限時的免費 Wi-Fi 服務應市民不時之需，相信這項服務在被香港寬頻收購後仍然不會改變，甚至有機會推出更多免費的熱點。
至於收費方面，現時 Y5ZONE 的月費大約是 ＄60 一個月，而各大電訊商包括 CSL 、3 香港、數碼通都跟 Y5Zone 合作，使用他們提供的 Wi-Fi 服務，所以各位網友亦有機會用到 Y5Zone 的服務的，這次事件絕對同大家息息相關。希望大家可以分享自己的看法，有問題的話，版主也會盡力為大家解答！