Samsung GS4 、 Note II劈價去死貨！暗價入手再平 $700 ！

Eddie 2014-06-13 16:04 | Samsung

早幾日同大家講過 HTC One Max 減價到 $4,000 樓下，有冇網友走左去買呢？其實 Qualcomm S600 既機款都開始舊舊地，係時侯減價啦。當 HTC One 都暗價做緊 $3,498 既時侯， Samsung Galaxy S4 都仲係標價 $4,498？！原來已經係某些大鋪偷偷地用「暗價」賣機清貨，其實舊機要減價都好正常，點解只係某些鋪先平幾百呢？想知就 Click 入黎睇睇啦！

Galaxy S4 清貨促銷！Samsung 暗價減 $700！ 

Samsung Galaxy S4 就開賣超過一年啦，上年呢部手機出過唔少「意外」，或多或少都影響到大家對 Samsung 手機既信心。其實同新一代既 Samsung Galaxy S5 相比，差距比較大就係冇用到 Qualcomm S801 處理器，它採用的 4.99 吋 1920 x 1080 FHD AMOLED 屏幕、1300 萬像素鏡頭／200 萬像素前鏡頭和 2600mAh 電池其實與新一代旗艦相去不遠，甚至設計上也相當接近，比起新旗艦平接近 $2,000 ，對於想入手 Galaxy S5 的網友來說還是可以考慮一下它啊！

點解今次版主要特登提到係暗價呢？因為我問過唔少大鋪，百老匯、豐澤同埋衛訊都仍然用 $4,498 去賣 Samsung Galaxy S4 ，只有蘇寧能夠平 $700 用 $3,798 入手。原來係因為最近蘇寧做緊優惠買 Galaxy S4 會送 $700 現金卷，選擇即時使用的話就可以即減，所以真係「靜靜雞」減價，要問多幾間先知道。同時版主亦有問過街價的 Galaxy S4 價錢賣 $3,800 上下，同價位還是去大鋪買比較有保障。

另外接近兩年前推出的 Samsung Galaxy Note II 仍進行優惠，買兩部的價錢是 $6,998 ，除番開就係接近 $3,500 一部。老實講，如果真係想要大屏幕手機的話價錢 $3,898 的 HTC One Max 雖然重量比較嚇人，但各方面規格方面比較好，相信網友們懂得選擇了吧？


▲Samsung Galaxy Note II LTE 官價定 $4,498 ，不過大鋪賣價減 $200 。


▲現時電訊數碼上台價要 $3,998 ，如果想入手的話到蘇寧會更便宜

在文章發佈的時侯， Samsung Galaxy S4 賣價 $3,798，按此看詳細規格和最新賣價。