發佈會唔講 Sales 爆響口!門市有 Samsung GALAXY S8 真賣價

Keith Yim | Samsung
ePrice 搶先講手機嘅賣價,唔係第一次做,LG、Samsung、Sony、HTC 我哋都會去問下線人,會否係官方講賣價之前,得到最新消息。可惜,今次 Samsung GALAXY S8 與 S8+,可能因為五月廿五號先賣價,係發佈會連售價都變了待定。不過,電器連鎖店真係做生意架,Sales 同人講你好俾錢預訂 S8,但賣幾多錢就 I don’t know,咁無人會訂架喎。所以,版主就用口問,Sales 用口爆,證實 Samsung GALAXY S8 與 S8+  真賣價。

samsung-fb.jpg

兩間大舖 Sales 自爆
是咁的,今日行過電器連鎖店,首先是衛訊。一個著住三星制服嘅人,已迎面而來。我問佢,S8 有得訂未,佢話有,佢問我要大機 (S8+),定細機 (S8),當然,最後佢都把 S8 與 S8+ 兩個版本嘅售價,話俾我知。不過,佢無講實。

佢話:「S8 大概買五千七,S8+ 就係六千四,同七千左右」

記著,用「左右」未係好 Confirm 但都知道賣幾錢。

之後再行過豐澤,Sales 更加講明賣幾錢!

佢話:「S8  $5,698,S8+  $6,398, 6GB RAM 就 $6,998」買嘅話,今日可以訂,仲有乜乜乜優惠。

有留意,兩個 Sales 講嘅價錢,同版主之前爆的價錢係一様嘅!咁你都可以唔信,我明白的。不過,門市 Sales 佢地講到咁實牙實齒,相信都唔講大話。此外,若果三星最後公佈,S8 與 S8+ 賣得貴過上面嘅價錢,咁 Sales 隨時俾人告!

版主又收到料,三星香港可能再改價錢,係賣貴 D 定平 D?可能佢地想等埋 HTC U 同埋 Sony Xperia XZ Premium 吧。不過,後者就算係日本攪發佈會,都無公佈香港賣價。似乎要參考對手嘅賣價再改動,係有點難度嘅。
廣告