1 億鏡頭 + 你唔係好知嘅黑科技 三星 Galaxy S20 Ultra 詳細評測

管理員 2020-04-09 23:26 | Samsung
最近 Samsung 喺香港推出嘅 Galaxy S20 系列旗艦,無論喺屏幕、相機還是續航部分,進步都相當大!當中最令我着迷嘅,係新加入、最大部嘅 Galaxy S20 Ultra!一來,講電,三機之中最大電係佢,二來,講相機,三機之中最屈機亦係佢!又 1 億像素鏡頭,又 100 倍 Zoom,仲有好多黑科技,令我覺得今次呢部 Galaxy S20 Ultra 係絕對買得落手!內文逐一數你知啦!

FB

首先我會講下 Samsung Galaxy S20 Ultra 喺影相方面嘅功能。

001:108MP 超高解像度,保留更多細節,相片質素清晰銳利

Samsung Galaxy S20 系列都擁有高解像度嘅鏡頭,不過當中最屈機嘅,係最強嘅 Galaxy S20 Ultra,有成 1.08 億像素,有咁高解像度,咁又點?哦,解像度愈高,意味住影出嚟嘅成像都會擁有愈多嘅細節囉。一般比較常見會係用於拍攝風景之類,譬如我帶住部 Galaxy S20 Ultra 去旅行,上咗去一座唔知乜嘢山,見到山下嘅景色好靚,就會有機會用到 1.08 億像素鏡頭。

當然,每個人使用習慣都未必一樣,好似我咁,就反而會鍾意用呢個 1.08 億像素鏡頭,去拍攝一啲容易稍縱即逝嘅瞬間,例如小動物、昆蟲之類。係呀,特別係昆蟲,小編我好怕昆蟲,但有時又鍾意影下蜜蜂、蝴蝶之類,但又唔敢走咁近去影,唔驚佢影影下突然間飛撲埋嚟咩~ 呢啲情況我都會用呢個 1.08 億像素鏡頭,唔理三七二十一總之有乜細節都影低咗先,之後先再 Cut 返我想要嘅部分出嚟,咁又完成咗一份「大作」!耍帥

108MP - 1.jpg
▲ 原圖,因為能夠保留到更多細節,因此變相成像大小也會偏大,有 23.4MB,解像度為 12000 x 9000。

002:Bright Light 功能,提高手機夜拍表現

好多時候當你喺夜晚或者一啲低光環境下拍攝,你影出嚟嘅影像,同你肉眼實際見到嘅並不一樣,相片好多時都好多雜訊噪點,模糊不清,同你眼前令人驚豔嘅場景不符。而 Samsung Galaxy S20 全系列都具有大 Sensor,就算喺弱光嘅環境之下,都可以提高圖像質量。

同時,Galaxy S20 Ultra 仲用咗獨特嘅 nona-binning 技術,首創將 9 個像素融合成一個像素,令手機變成一部強大、適合於低光環境拍攝嘅相機,無論係影相定拍片,都可以拍出效果不錯嘅夜景。
 
夜景 (普通).jpg

夜景 (Bright Night Mode).jpg
▲ 比較普通拍攝以及開咗 Bright Night Mode 之後嘅分別。

003:相簿內建「快速裁切」可保持相片清晰度

剛才提到,有人會用 1.08 億像素鏡頭去影風景,而小編我就會用呢個鏡頭,遠距離去影一啲小動物、昆蟲,之後先再 Cut 返我想要嘅部分出嚟。如果以一般手機嚟講,因為解像度唔夠去保持圖像清晰,裁剪相片後會令細節流失。然而,Samsung Galaxy S20 Ultra 就無乜太大呢方面嘅問題,本身解像度夠高係一個原因,但仲有一個更重要嘅原因,就係手機相簿內建嘅「快速裁切」功能,係可以幫你保持清晰度嘅同時,並按照你想要嘅構圖,裁剪圖像。

IMG_3409.JPG

108MP crop.jpg
▲ 呢張相係用上面 108MP 放大然後 Cut 出嚟,見到成像依然相當清晰,解像度有 6992 x 3152,即約有 2200 萬像素。

004:100 倍變焦超屈機,肉眼睇唔到,手機都拍得到

Samsung Galaxy S20 Ultra 係暫時史無前例支持 100 倍 Zoom 嘅手機,就算今年暫時發表嘅其他新機,都未有一部做到咁屈機,借助革命性嘅折疊鏡頭以及高解像度影像感應器,實現到 10 倍混合式光學變焦,同時配合由 AI 支援嘅超高解像度變焦,做到高達 100 倍嘅數碼變焦,十分誇張,肉眼睇唔到嘅影像,用 Galaxy S20 Ultra 嘅 100 倍 Zoom 可以影得到!
  ▲ 因為手機相機嘅設定係,可以快速喺 0.5x、1x、2x、4x、10x、30x 以及 100x 之間切換,所以上面我就逐個倍率 show 畀大家睇,你就會知 100 倍 Zoom 有幾誇張、變態。基本上我肉眼都見唔到觀音大使嘅樣,但用 Galaxy S20 Ultra 嘅 100 倍 Zoom,就可以睇得到。

--------------------------------------我是分隔線--------------------------------------​

講完影相方面嘅功能,接住落嚟我又會講下,Samsung Galaxy S20 Ultra 喺拍片部分,又有乜嘢黑科技!

005:配合 Super Steady + 全新改良穩定器,令拍攝視頻更穩定清晰

無錯,Samsung Galaxy S20 Ultra 除咗支持 Super Steady 2.0 功能,同時具備經過改良、防側傾嘅穩定器,平衡手機震動,再配合突破性嘅 AI 運動分析以及智能運動預測,可以拍到更清晰、流暢嘅影片,例如當你去旅行滑住雪拍片,或者見到一隻跑緊嘅狗仔咁,追住佢影,呢個穩定功能都相當有用;再簡單啲嘅情景,就算你只係拎住部 Galaxy S20 Ultra 跑住步影相,你都可以感受到呢部 Galaxy S20 Ultra 個防震有幾極致、強大。

IMG_1624.JPG

▲ 小編會用 Samsung Galaxy S20 Ultra 同生果手機 Max 做個比較,所需工具就係呢枝神器,確保角度誤差減到最少。



▲ Samsung Galaxy S20 Ultra 比拼生果手機 Max,你會見到 Galaxy S20 Ultra 的穩定性相當明顯,而生果手機 Max 則顯得唔夠定。

006:全新「一攝多拍」功能,AI 幫你「算」出精彩時刻

在相機介面上你會見到加入咗「一攝多拍」嘅功能,呢個功能就勁喇,就係只要你用呢個功能,去拍攝一啲動態嘅事物,例如跑緊嘅動物、小朋友之類,大約拍 3-10 秒左右,之後手機就會透過 AI,將你條影片剪輯成 4-10 條精選影片 / 相片,並且會自動加入一啲特殊的效果,例如加入黑白濾鏡,或者加快 / 倒退等,呢個功能的確係幾好玩。難怪對手最近推出嘅新機,都參考咗呢個功能啦!

一攝多拍.jpg
▲ 小編問準咗小朋友可唔可以畀我拍佢哋玩,以方便做個示範,你會見到用完一攝多拍影咗大約 10 秒嘅影片之後,手機就會自動透過 AI,剪輯成 4-10 條相片 / 影片,並加入一些特別效果,例如黑白、影片加速等等。

007:超強 8K 攝錄,拍下每一個細節

Samsung Galaxy S20 Ultra 將影片攝錄嘅解像度,由以前嘅 4K 提升到 8K,平時大家如果經過電器舖,見到一啲 4K 電視,播放緊 4K 內容,相信大家應該已經感受到,到底 4K 係乜嘢一回事。4K 已經可以拍到相當清晰、細緻嘅畫面,唔難想像如果提升到 8K,畫面個震撼力又會提升到幾高嘅層次。

同時,錄完條 8K 影片之後,當然都要有部支持 8K 嘅電視,去播放返條影片啦!Samsung Galaxy S20 Ultra 支援「分享至 TV」(Share to TV) 嘅功能,你可以更容易咁將你條影片串流去部 8K 電視度,從而獲得更理想嘅視覺體驗。

仲有一點值得一講,影相就話有快速裁切嘅功能,原來 Galaxy S20 Ultra 喺影片上都可以做到快速裁切,例如你要喺條 8K 片 cap 低某一個好靚嘅 moment,只要喺內置嘅相簿入面輕按左上角嘅快速裁切按鍵,咁就可以 cap 到一張最高 3300 萬像素嘅相片,而 cap 出嚟嘅相片,依然可以保留到畫面中嘅細節,呢點對於對相片質素有要求嘅人嚟講,相當重要!


▲ 不過都要你有部 8K 裝置,先至可以播放到。

--------------------------------------我是分隔線--------------------------------------

Samsung Galaxy S20 Ultra 嘅賣點,點會淨係得影片拍片咁簡單,其實 Galaxy S20 Ultra 仲有其他特點功能

008:支持快速分享功能

平時同朋友食飯或者出去玩,唔少得當然係自拍影下相留下記錄啦,咁影完之後,你都需要 share 返畀你身邊嘅朋友,淨係講 Facebook / Messenger / WhatsApp,可能會將相片壓縮咗,而 Samsung Galaxy S20 Ultra 就內置 Quick Share 快速分享嘅功能,只需幾秒鐘,就可以同附近嘅朋友共享你哋嘅相片,好方便。

IMG_2178.JPG

009:具備 5G 功能

如果仲係 2019 年嚟講,呢個功能可有可無,但去到而家就唔同講法。因為香港 4 月 1 日開始,四大網絡商之中有三間網絡商都開始有 5G 計劃喇。5G 網絡配合一部強大嘅 5G 手機,會令你喺睇片、打機各方面嘅體驗,都有一個革命性嘅提升,同時 Galaxy S20 打通全港嘅 Sub 6GHz 頻段,四大網絡商嘅覆蓋,全部都支援。所以用 S20 系列玩 5G 會有質素保證呀。

睇完以上 9 點,大家係咪好想衝出去買返部 Galaxy S20 Ultra 玩下㗎喇~ 想試下先?有機會可以去電器店玩玩吧!

資料由 Samsung 提供

 

最新新聞