三星 Galaxy Z Fold5 外觀設計
首先講下外觀設計，三星 Galaxy Z Fold5 除咗有更薄機身設計，今次最大嘅變化係採用咗全新嘅轉軸結構，令手機摺埋嘅時候更加貼合，唔會好似以前咁有明顯空隙，外觀睇落好睇咗之餘，拎上手亦更加好揸手。而今次推出全新嘅藍色，望落好似 iPhone 13 嗰種藍，整體風格感覺 Young 咗好多。至於好多人都 care 嘅防水，今次一樣得以延續，支持 IPX8 防水，就算手機唔小心跌咗落 1.5 尺深嘅清水，浸 30 分鐘，都唔會構成傷害，當然正常你唔會無啦啦扔落水，但意外嘅嘢好難講，有防水始終會放心一啲。一貫以往環保設計，三星 Galaxy Z Fold5 跟機基本上乜配件都無跟，淨係得手機本體、SIM 卡針以及說明書，其他好似保護殼、充電器、充電線等等，都要另外購買。而手機具有 6.2 吋外芒，解像度為 2316 x 940，打開之會有 7.6 吋內芒，解像度為 2176 x 1812，就好似一部平板電腦咁，重量為 253g，就算單手揸住都唔會造成太大負擔。
另外，今次三星 Galaxy Z Fold5 內外屏幕都採用咗 Dynamic AMOLED 2X，支持最高 120Hz 刷新率，並支持 HDR10+ 顯示，內屏幕支持最高 1750nits 亮度以及 373ppi 細緻度，令手機無論用嚟玩戲定係睇片，體驗都相當唔錯。不過，Galaxy Z Fold5 打開之後中間條摺痕都仲係同上代一樣，依然係咁明顯，呢樣有少少可惜。
Galaxy Z Fold5 亦具備獨立嘅立體聲雙喇叭，用來播放音樂時可以感覺到喇叭效果相當出眾，睇片或者遊戲更加明顯。整體嚟講，大屏幕 + 出色喇叭效果，令 Galaxy Z Fold5 影音表現相當唔錯，值得一讚！
 |
 |
 |
 |
 |
 |
 |
 |
 |
 |
 |
 |
 |
 |
三星 Galaxy Z Fold5 性能 + 續航
其他規格方面，三星 Galaxy Z Fold5 配備咗目前 Qualcomm 最新嘅旗艦處理器 Snapdragon 8 Gen 2 for Galaxy ，簡單嚟講就係 S8 Gen 2 嘅加強版，性能部分不容置疑，大部分場景下例如玩 3D 大型手遊、高畫質錄影或者開啟多工頁面等等，都可以擁有十分流暢可靠嘅體驗。而續航部分，我哋用咗外芒同內芒兩個部分嚟做測試，同樣連續播放一個小時高畫質串流影片，睇下結果係點。我哋將手機屏幕亮度同埋音量調整到 50%，更新率設定為最高 60Hz，關閉自動亮度並用 WiFi 進行連網。測試結果顯示，經過一小時連續播放，外芒電量由 51% 下降到 45%，跌咗 6%；而內芒則由 45% 下降至 40%，下跌咗 5%。
望落去有無覺得好奇怪？點解大芒反而仲慳電過細芒？後來我哋發現，原來 Galaxy Z Fold5 嘅內芒自動刷新率最低係可以去到 1Hz，但外芒最低只能達到 48Hz，所以我哋估計係最低刷新率嘅差異，導致尺寸大嘅內芒，會比起尺寸細嘅外芒更慳電。
三星 Galaxy Z Fold5 相機表現
三星 Galaxy Z Fold5 具有三鏡頭設計，分別為 1/1.56 吋感光元件嘅 5000 萬像素主鏡頭、1000 萬像素 3 倍變焦鏡頭以及 1200 萬像素 123 度超廣角鏡頭。而前置鏡頭就有兩個，一個係 1000 萬像素外芒嘅前鏡頭，另一個係主要用嚟視像通話嘅內芒 400 萬像素屏下鏡頭。錄影方面，主鏡頭支持最高 8K 30fps 錄影，超廣角、望遠以及外芒前置鏡頭，都支持最高 4K 60fps 錄影，而內芒前置鏡頭則最高支援 1080p 60fps 錄影。而三星 Galaxy Z Fold5 無論喺相機操作、對焦、快門反應等等，都相當迅速，影完相處理速度都好快，用起上嚟唔會有延遲或者窒機嘅感覺，比較可惜係超廣角鏡頭同埋兩個前置鏡頭，都唔支持自動對焦。不過，相機成像質素好穩定，無論係夜間定日間，都可以影到好清晰嘅相片。比較令人印象深刻嘅係，望遠鏡頭夜拍表現同樣唔錯，雖然只有 3 倍光學變焦，不過因為變焦拍攝超過 20 倍嘅時候會啟動穩定模式，所以某些場景下就算放大到 10 倍或者 20 倍數碼對焦，都依然可以保持唔錯嘅畫質。
若果要評論呢部手機嘅相機，我會覺得呢部手機成像風格偏向濃郁高飽和嘅路線，操作反應同埋成像品質都相當唔錯，就算對應好動嘅小動物，都可以輕鬆捕捉，夜間拍攝亦相當可靠。
▲摺疊螢幕手機的好處就是可以透過主相機來自拍，畫質自然比前鏡頭更好更清晰，而且三星也針對自拍時的內螢幕操作做了優化，可以避免在自拍的時候誤觸內螢幕，很加分。
不同焦段變焦拍攝(1)
0.6x
1x
3x
10x
20x不同焦段變焦拍攝(2)
0.6x
1x
3x
10x
20x更多三星 Galaxy Z Fold5 的成像
 |
 |
 |
 |
 |
 |
小結
經過整整 5 代，三星 Galaxy Z Fold5 可以話係一部無乜大缺點嘅摺芒手機，透過上面嘅測試我哋都可以見到，Galaxy Z Fold5 無論喺性能、續航、影音表現都有相當唔錯嘅表現，甚至連相機表現都無令人失望，再加上具備防水、無線充電、8K 錄影等功能，一般旗艦手機擁有嘅，佢都擁有。更厲害嘅地方係，Galaxy Z Fold5 仲支持 S Pen，令 Galaxy Z Fold5 喺眾多摺芒手機之中，更顯特色。唔知大家又對呢部旗艦摺芒手機有無興趣呢？按這裡有三星 Galaxy Z Fold5 詳細規格及最新賣價
