又薄又輕是賣點!Nokia 6.1 Plus 跑分 + 試相出爐

Keith Yim 2018-07-19 22:40 | Nokia
Nokia 6.1 Plus?其實即係大陸版嘅 X6。不過,正如版主阿坤之前咁講,國際版 6.1 Plus 跟大陸版都係一樣:無 NFC。比較好笑嘅係,Nokia 話 FM 收音機是用家需求,所以加番落去,咁又係嘅,係香港收到嘅 FM 都比大陸台霸晒,無 NFC 咪用 QR Code 支付寶,微信支付....講咗咁多,你都唔介意,咁其實 Nokia 6.1 Plus 都係一部又薄又輕嘅手機,最重要係,好似其他 Nokia 手機咁,你要嘅情懷,唔駛好貴就擁有得到。情懷唔食得,最緊要好用,今次透過跑分,試相話你知。 

fb02.jpg

無驚喜外型,輕身嘅設計
Nokia 6.1 Plus 有乜驚喜?無,一如 Nokia 回歸後,由 HMD Global 管理之後,最貴一款都只係開價五千頭 (加陣已跌至四千中啦!),你想有幾特別?不過,真係薄,同輕嘅,151 克,7.99mm 厚度,以手機來講唔錯。 Nokia 6.1 Plus 配備 5.8 吋 19:9 FHD+ 全屏幕,用上「M 字額」,所以就算接近六吋芒,其實部機都唔唔會好大部。Nokia 話,佢用上93% 玻璃覆蓋機身搭配 Corning Gorilla Glass, 係第幾代就無講,但加上鋁合金金屬邊框,輕身嘅手感,以二千蚊價位嘅手機來講,絕對 OK!

效能勝同期價位手機

硬件上,Nokia 6.1 Plus 用上 Qualcomm Snapdragon 636 處理器,我哋用 AnTuTu 跑分,都得出過十萬分嘅成績,二千蚊價位,最近我哋做過幾部機嘅實測,都有唔少得七萬分左右。代表 Nokia 6.1 係效能上,已好過同期唔少差唔多價位嘅手機,包括大賣廣告嘅 Samsung Galaxy A6+,同埋上星期推出嘅 Motorola G6 Plus。相機部份,佢都有雙鏡頭,仲要係千六萬 + 五百萬像素配搭。但 Nokia 都好誠實,有講過鏡頭只係 1um 尺吋大細,真係跟 LG G7 同級...咁影出來又點呢?睇下試相,大家評下就知。

支援快充充電

最後,Nokia 6.1 Plus 無咗 NFC 之後,仲有乜賣點?有,原來跟機都有 3060mAh 電池,都唔算好細。雖然無寫明佢係支援 Qualcomm QC 快充制式,但其實跟機嘅充電器,都有 18W,佢地話半個小時已充到 60% 電量,以二千幾蚊手機來講,算係一個 Bonus 吧。

a02.JPG
▲ Nokia 6.1 Plus 是品牌旗下首部「M 字額」設計手機。

a03.JPG
▲ 機身好薄,難免鏡頭有突起設計。 

a04.JPG
▲ Nokia 6.1 Plus 採用雙鏡設計,1600 萬 + 500 萬像素配合,次鏡頭主要作人像模式的景深測景,不是遠攝鏡頭來。

a05.JPG
▲ 採用 USB type C 充電,支援自家快速充電技術。

a06.JPG
▲ 機頂有 3.5mm 耳筒插位。

a08.JPG
▲ 2+1 插槽的雙卡雙待。

a01.JPG
▲ 可選擇把「M 字額」收埋起來。

Screenshot_20180719-154519.png Screenshot_20180719-154801.png
▲ 採用 Qualocmm S636 SoC,係 AnTuTu 跑分都有 11 萬分,比起同價位嘅手機都要有好嘅效能。



Screenshot_20180719-155128.pngScreenshot_20180719-155150.png
▲ 以雙攝人像模式拍攝嘅相片,可透過內置嘅「人像模式編輯器」改變手機對焦點及景深程度。

e.jpg

e01.jpg

e02.jpg
▲ 以上是不同程度的景深人像情況

sample01.jpg sample02.jpg

sample04.jpg
▲ 其他由 Nokia 6.1 Plus 拍出來嘅試相。

Nokia 6.1 Plus 在文章刊登時,賣價為 $2288,按這裡有更詳細介紹及最新賣價

 
廣告

相關產品 (1)

相關報導 (3)

又薄又輕是賣點!Nokia 6.1 Plus 跑分 + 試相出爐

又薄又輕是賣點!Nokia 6.1 Plus 跑分 + 試相出爐

Nokia6.1Plus?其實即係大陸版嘅X6。不過,正如版主阿坤之前咁講,國際版6.1Plus跟大陸版都係一樣:無NFC。比較好笑嘅係,Nokia話FM收音機是用家要求,所以加番落去,咁又係嘅,係香港收到嘅FM都比大陸台霸晒,無NFC咪用QRCode支付寶,微信支付....講咗咁多,你都唔介意,咁其實Nokia6.1Plus都係一部又薄又輕嘅手機,最重要係,好似其他Nokia手機咁,你要嘅情懷,唔駛好貴就擁有得到。情懷唔食得,最緊要好用,今次透過跑分,試相話

Keith Yim | 2018-07-23
Nokia 6.1 Plus 賣價、上市資訊全曝光!國際版有無 NFC 是重點?

Nokia 6.1 Plus 賣價、上市資訊全曝光!國際版有無 NFC 是重點?

尋晚版主就同大家講過,Nokia今日會喺香港發表最新嘅中階手機Nokia6.1Plus,規格唔算差之餘,性價比亦相當高。關於呢部手機嘅價錢,版主已經爆過畀大家知,而網友最關心嘅,係到底國際版會唔會加番NFC落去,要知道NFC係大陸未必重要,但係香港就非常重要。到底官方點講?睇下文啦!

左定坤 (Cho Ting Kwan) | 2018-07-19
賣價直逼紅米!Nokia 6.1 Plus 明日預訂,平夾抵玩?

賣價直逼紅米!Nokia 6.1 Plus 明日預訂,平夾抵玩?

繼Nokia6.1、Nokia7Plus之後,Nokia聽日將會再在香港舉行發佈會。今次又會有甚麼新品呢?說的就是Nokia6.1Plus,版主收到消息,這部新機明日5點(即發佈會完結後),正式在各大零售商接受預訂,但實際開賣日期,暫時未有消息,有待Nokia明日的公佈。不過,版主已向大舖八到這部Nokia6.1Plus的賣價,而且以價錢來說,個人認為都幾抵玩。

左定坤 (Cho Ting Kwan) | 2018-07-18

最新新聞