主題:10MB 高速、高清屏幕 Nokia 6260 Slide 新搞作

ePrice HK
  1  2  >>  最終頁
  • 發表時間:2009-03-18 22:39 收錄檢舉
    不要以為 Nokia 只埋頭發展 S60 智能手機,Feature Phone 方面,亦會增強。預計三千蚊有找,四月推出的 6260 Slide,加入 GPS 導航、五百萬相機、320 x 480 高清屏幕連同比 USB Modem 更易的 10MB 高速上網,智能機都未做到。 ▲ Nokia 6260 Slide 採用推蓋機設計。由於屏幕解像度變長,320 x 480,令機身亦長了一些。 Feature Phone 智能化 很多人都覺得 Nokia 的 Feature Phone 比較沉悶,同樣介面不同型號。去到 6260 Slide 終於有突破。用上 S40 V6 介面,把不少以往只有在 N-Series、E-Series 等手機才見到的功能,也加到 6260 Slide。這變化一來適合用家的增加的要求,亦可能是迎接連最大對 Sony Ericsosn 也會用上 S60 系統作好預備。我們首先看看 6260 Slide 有什麼近似諾記 S60 智能機系統的升級功能: ● 比非觸控 S60 智能機更高解像度屏幕 (320 x 480 pixel) ● 加入 GPS / AGPS 及 Nokia Map,支援導航功能 ● 五百萬像素蔡司鏡頭 ● 新加 Full HTML NOkia Web 瀏覽器 ● 10MB HSDPA 及 2MB HSUPA 上網,支援 USB Modem 模式 ● 支援 Wi-Fi ▲ 有兩款顏色,黑色及圖中的粉銀設計,感覺好似智能機。 ▲ 記憶中,Nokia Feature Phone 有影相鏡頭保護蓋的不多,居然在 6260 Slide 中出現。 ▲ 只有在 S60 智能機見到的 GPS 開啟指示燈,居然在非智能機的 6260 Slide 中出現。 ▲ 略為突起的五向鍵,令操作時更有手感。 10MB 速度變 USB Modem 在云云新加的功能中,Nokia 特別重視 6260 Slide 支援 Modem 數據機功能。有幾個優勢,首先 6260 Slide 比現時的 USB Modem 有更快的傳輸速度,上傳達 2MBps ,下載更達 10Mbps。要把手機變做 Modem,最好連上 USB 線,這是手機會同時充電,唔怕用用下無電。此外,在 3G 模式下,數據傳輸跟手機通話是分別進行。即是說,上住網也可以通電話,一張 SIM 下攪掂。最方便的,是 Nokia 設計了一個上網 Dailup 程式,叫作上網易,把 6260 Slide 用 USB Cable 接上 Laptop,開啟上網程式,立即上網。 ▲ Nokia 力 Sell 6260 Slide 變成上網 Modem。不過,要插入 USB 數據線 ▲ Nokia 的上網易軟件,是 PC Suite 以外,專供上網之用。一按即連線。 用手機變 Modem,似乎玩得太誇張,大部份用家,都只有手機內置瀏覽器上 WAP 或睇資料。以往 Nokia Feature Phone 沒有一個 Full HTML 瀏覽器,後期更直接了當用 Opera Mini 取代。6260 Slide 有變了,加入近似 S60 智能機所用的 Nokia Browser。除了支援全 HTML 瀏覽,更有放大縮少功能。比較遺憾是暫未支援橫向顯示及 Flash 檔案顯示。 ▲ 以 ePrice 香港網頁做實測,顯示出來效果也很好。 GPS 跟到足 Nokia 6260 Slide 是香港首部 S40 Feature Phone 加入 GPS/AGPS。不似得其他廠,只要用 Google Map。6260 Slide 同樣加入 Nokia Map,簡單的定位,不再要下載圖資,慳好多。S40 的 Nokia Map 跟 S60 版本沒有太大分別,如汽車導航、語音導航都支援到,但當然付費才可以使用。 ▲ Feature Phone 都有全功能的 GPS 圖資 五百萬像素相機 好簡單 Nokia 6260 Slide 有一個五百萬像素,蔡司認證的自動對焦鏡頭,不過,影相功能卻比不上 S60 系統的 N-Series。場景模式不見了,只有簡單的設定。相片效果可以用過得去形容,大家可以把試相 Click 大,參看原圖。 ▲ 6260 Slide 的相機介面比起以往 Nokia Feature Phone 稍後改變,但不算很大變動。 ▲ 有雙 LED 作補光燈。 多媒體功能 很不俗 Nokia 表示,6260 Slide 支援 Full HTML Browser 及高解像屏幕,其實在硬件上亦增強不少,所以手機在音樂及播放短片功能都很不錯。 ▲ 在 320 x 480 pixel 屏幕下,相片顯示得很清晰。 ▲ 插上最常用的 QVGA MPEG4 格式短片,能播放順暢,加上快格及回帶功能,令手機變成流動播片器。 ▲ 繼 INQ 後,另一款手機內置 Facebook 程式,可惜即場連不上,無法看看是否好玩。 ▲ 6260 Slide 是香港第一款 Nokia S40 手機支援 Wi-Fi 連線。 ▲ 6260 Slide 採用 320 x 480 pixel 高清屏幕,目錄亦有九宮格變為 12 宮格,還有點像 S60 手機呢。 小結:Feature Phone 全身進化 手機功能越來越強,是否智能手機,高解像相機、大芒、高速上網、GPS 全部都好 hit。所以 Nokia 亦要把 Feature Phone 全面升級。以 6260 Slide 來說,的確不錯,相信未來 Nokia Feature Phone 都是強橫手機了。
    Nokia 6260 Slide 把很多 S60 智能機的功能,都加入去一般手機 Feature Phone 中,大家點睇? 投票時間:2009-03-18 ~ 2009-03-25 讚成!手機越強越好 244 不讚成!手機最緊要簡單及好用 84
    此文章已於 2009-03-18 22:50 重新編輯
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Nokia 6260 slide
    • 現時售價: 已下市
    • 尺寸: 99.4 x 46.5 x 15.4 mm / 114 g
    • 電池: 950 mAh
    • 插卡: microSDHC
    • 螢幕: 320 x 480、 2.4 吋 TFT
    • 相機: 500 萬像素CMOS
    • 顏色: 黑/銀
    • 時間: 通話 360 分鐘 / 待機 400 小時
    • 上市: 2009-04-06
    • 外型: 滑蓋
      • 3G
      • HSDPA
      • 衛星導航
      • Wi-Fi
      • 藍牙
      • microSDHC 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 無 3.5mm 耳機孔
    熱門討論▼
  • 發表時間:2009-03-18 23:28 檢舉
    部機睇落幾靚喎, 唔知會賣幾錢呢?
    02樓 ▲TOP 回列表頁
  • 發表時間:2009-03-19 00:19 檢舉
    D相又係霧咁樣...雖然有好既鏡,但d相都係一般... (聽聞好多相有霧都係因為鏡頭前既透明蓋影響)
    03樓 ▲TOP 回列表頁
  • 發表時間:2009-03-19 00:55 檢舉
    外表都幾一般,不過其它Function都幾勁, 希望諾基亞(香港)唔好好似5800咁吊高個價黎賣啦!!!
    04樓 ▲TOP 回列表頁
  • 發表時間:2009-03-19 08:57 檢舉
    肥得滯說:
    外表都幾一般,不過其它Function都幾勁,希望諾基亞(香港)唔好好
    ePrice 話買三千左右, 唔知係咪真, 大家覺得貴唔貴呢?
    05樓 ▲TOP 回列表頁
  • 發表時間:2009-03-19 10:43 檢舉
    陳彼得說:
    ePrice 話買三千左右, 唔知係咪真, 大家覺得貴唔貴呢
    如果係2500 or更低, 我覺得應該會大賣, 因為e+一部比較入門既wm phone, 三千頭已經有部, 如果呢部只係行s40都賣成接近3000, 而且又冇touch screen, 我諗唔會有太多人買,
    06樓 ▲TOP 回列表頁
  • 發表時間:2009-03-19 12:42 檢舉
    我部手機都係咁...一影就有霧 我見其他人同型號手機冇咁既問題 知唔知邊度有得幫人整? (我果部係SE P1i) 附圖一幅!!!!
    此文章已於 2009-03-19 12:48 重新編輯
    07樓 ▲TOP 回列表頁
  • 發表時間:2009-03-19 17:22 檢舉
    NOKIA近呢一兩年都冇乜大驚喜==
    08樓 ▲TOP 回列表頁
  • 發表時間:2009-03-19 19:00 檢舉
    副哥說:
    NOKIA近呢一兩年都冇乜大驚喜==
    se今年好勁 but nokia d一向咁勁,所以d人覺得se今年好大進步,相反就覺得nokia這兩年冇乜進步,但其實只係se e+先追得上NOKIA
    09樓 ▲TOP 回列表頁
  • 發表時間:2009-03-19 20:26 檢舉
    如果 3 千 元以下 ... 我就會買.... 不過 Nokia 都吾知會定咩價...?
    10樓 ▲TOP 回列表頁
  1  2  >>  最終頁