Google Nexus 6 「行貨」四字頭買到！多得水貨超平價？
首先同大家講下 Nexus 6 既先，版主們等了又等，佢仲未係 Google Play Store 上架，官方價錢 32GB 仍然賣 $5,598 ，它有 5.9 吋 2560 x 1440 AMOLED 屏幕、Qualcomm S805 2.7GHz 四核、3GB RAM 、1300 萬像素鏡頭與 200 萬像素前鏡頭、3220mAh 內置電池，但不設外置插卡。這部機主要賣點就係「親生仔」，規格也是頂級的水準。版主留意到場內的大鋪已經用 $4,600 ~ $4,800 的價錢去賣「全新行貨」，版主甚至找到跟豐澤單的「全新行貨」都是賣 $4,580 ，價錢比起官價平 $1,000 沒有問題啊！點解個價錢跌得咁快？版主上次教過大家上法國 Amazon 平價入手，因為歐元狂跌的關系所以現在 32GB 版本最平 $3,700 就己經買得到；而 64GB 都不過賣約 $4,500 港幣，這個價錢實在比起行貨平太多啦！不過如果大家關注到本地保養的話，場內的「全新行貨」亦不失為一個選擇。其實 Nexus 6 在 $4,000 左右入手行貨，可以買到 2K 屏幕與 S805 處理器已經算有不錯性價比，畢竟它的重點是「親生仔」啊
。
▲而場內亦有 「全新行貨」的 Nexus 6 ，有BrightStar 的行貨 Logo ，都係賣 $4,580
LG G Flex 2 多人劏機！「跟單行貨」最平 $4,480 有交易
而講起新一代的 Qualcomm S810 機皇，HTC One M9 仲未抵港，暫時只有 LG G Flex 2 而已。版主見到有鋪頭叫呢部機做「LG 蕉 2」，都講中佢既特點就係採用 5.5 吋 1920 x 1080 的曲面屏幕，與第一代一樣機身是有彈性的，而且機背有「自動修復」塗層；處理器方面採用新一代的 Qualcomm S810 八核心配 2GB RAM ，內置 32GB 容量並可以外置插卡，有 1300 萬像素鐳射對焦主鏡頭與 200 萬像素前鏡頭，內置 3000mAh 是不能換的，另外版主私心要講紅色真係好靚。雖然版主問過場內的細鋪賣 LG G Flex 2 仍然要 $4,880 ~ $4,980 的價位，比起官方價平大約 $700 ~ 800 ，但其實見到好多人劏機，因為你唔難搵到「跟單行貨」，甚至有部份見到入手日期係 3 月頭，換句話說買左唔夠半個月就放，夠「新淨」了吧？而黑色的 LG G Flex 2 「跟單行貨」最平 $4,480 就有交易，比起全新行貨平成 $1,000 啊！
順帶一提， 3 月 19 日就係 HTC One M9 係香港既發佈會，估計當日就會知道開賣日期與定價，仲會知道 64GB 版本會唔會係香港賣，但係台灣賣呢個價錢，估計香港都 $5,500 走唔甩，運行 Qualcomm S805 、S810 既 Nexus 6 、LG G Flex 2 平一大截，大家又會唔會選擇唔等 M9 呢
？
▲全新有單的 LG G Flex 2 賣 $4,480 ~ $4,580 ，版主睇過係 2 月尾入手的貨
▲現時 LG G Flex 2 場內回收價在 $4,000 左右，比起官價低 $1,700 ，果然 Android 機都跌價好快啊！
在文章發佈的時侯， Moto Nexus 6 ( 32GB) 香港行貨定價為 $5,598，按此看詳細規格及最新賣價。
在文章發佈的時侯， LG G Flex 2 香港行貨定價為 $5,698，按此看詳細規格與最新賣價。